Page 15 - KPA_Neat

Dialuna marduga pabou di Parke Jaburibari riba e caminda di Moko
chauffeur di un chevrolet malibu a perde control tras di stuur y drenta
mondi cu e auto. E impacto tabata fuerte e chauffeur a resulta
levemente herida. Por poco e auto a sigui bay dilanti bay dal den un cas
pero matanan di cadushi a logra wanta e auto. Polis a detene e
cabayero y a keda transporta pa warda di Polis pa un test.

ATRACO #55, DOS HOMBER HABLA SPAÑO
TA ATRACA TRAHADOR DI NATURE’S
DISCOUNT NA SEROE BLANCO

July 17, 2017 Admin Uncategorized Leave a comment

Seroe Blanco, #55. Dialuna mainta trempan algo prome cu 8’or, ta tuma lugar
un atraco arma riba e trahador di Nature’s Discount na Seroe Blanco.

Central di polis ta ricibi un yamada for di Natures Discount, den cual un dama
bou yoramento ta bisa nan, cu nan tin arma na su cabes, mesora ta manda
varios unidad na e sitio.

Na yegada di e prome patruya nan ta nota cu e porta patras tabata habri, pero
no tabata sigur si e atracadornan lo por tabata paden ainda. Despues di un rato
un dama hoben ta sali bou yoramento y ta splica polis cu ela yega mainta pa
habri e negoshi y ela wordo sopresa pa dos homber habla spaño, ambos homber
tabata tin un revolver den nan man y a pone esaki na su cabes. Nan lo a bay cu
e caha di placa cu e dama tabata tin cune y despues nan a bay paden y
aparentemente lo a bay cu 6 saco di placa di bentanan cu lo tabatin den un kluis.

Segun e dama victima ta trata di dos homber bruin flaco largo mas o menos 1.80
y nan lo tabata aparentemente na pia, e victima no por a mira cua direccion nan
a cana bay pa motibo cu nan lo a menas’e di tire si e wak den cua direccion nan
lo bay.

E dama tabata hopi spanta, mesora e polisnan na e sitio a pidi pa presencia di
Slachtofferhulp y tambe di Atraco team. Despues di un rato a pidi pa presencia di
un ambulance paso e victima di atraco a bira malo.

E Atraco #55 aki ta den man di recherchenan pa mas investigacion.