Page 27 - KPA_Neat

homber a keda eynan un rato mas. El a yega di haci mas trabao pa e doño. Diahuebs, pa mas of
menos 11’or y 25 di mainta, el a topa cu e homber den cura. El a purba di yam’e, pero e no tabata
contesta e telefon. Door di esey el a bay na e cas. Mirando e circunstancianan recherche y
departamento tecnico a wordo poni na altura y a pidi pa haci un investigacion. Dokter Texier a
presenta na e sitio pa asina tuma su notanan. Pa 12’or y mey dokter a constata morto. E victima a dal
su cabes contra e palo ora cu e dak a laga los. E tabata tin un herida grandi na su cabes. Posiblemente
esaki lo a sosode e dia prome, mirando e circunstancianan cu a hay’e aden. Tabata e intencion pa
cuminsa cu esaki, pero aparentemente el a dicidi pa haci esaki e dia prome caba. Departamento
tecnico a pone e officier van justitie na altura pa 12’or y 35. E curpa no a wordo confisca. DTI tambe
a wordo poni na altura pa haci un investigacion riba e construccion. Nan a bin pa mas of menos 12’or
y 50 di merdia na e sitio. Sherche di Aurora Funeral Home a presenta pa 1’or y 10 na e sitio y a bay
cu e curpa. E victima no tin famia na Aruba. Polis a bay na su cas na Sabana Liber. Ta trata di un
apartamento di un cas parti den dos. E tabata yena cu hopi cos y reboltea. Polis por a drenta
parcialmente den e cas. E porta di e camber tabata parcialmente cera, pero e bentananan na banda
tabata hancho habri. E doño ta e mesun denunciante. E lo percura pa e cosnan di e victima y tambe
haci e luga limpi.

Policial

CHAUFFEUR DISTRAI TA
BOLTER VARIOS BIAHA CU
SU AUTO