Page 6 - KPA_Neat

Atraco arma ariba empleada di Nature’s Discount,
esaki ta bira e di 55 atraco pa 2017

1 min ago 0 0 Views

Seroe Blanco, #55. Dialuna mainta trempan algo prome cu 8’or, ta tuma lugar un atraco arma riba e
trahador di Nature’s Discount na Seroe Blanco.
Central di polis ta ricibi un yamada for di Natures Discount, den cual un dama bou yoramento ta bisa nan,
cu nan tin arma na su cabes, mesora ta manda varios unidad na e sitio.
Na yegada di e prome patruya nan ta nota cu e porta patras tabata habri, pero no tabata sigur si e
atracadornan lo por tabata paden ainda. Despues di un rato un dama hoben ta sali bou yoramento y ta
splica polis cu ela yega mainta pa habri e negoshi y ela wordo sopresa pa dos homber habla spaño,
ambos homber tabata tin un revolver den nan man y a pone esaki na su cabes. Nan lo a bay cu e caha di
placa cu e dama tabata tin cune y despues nan a bay paden y aparentemente lo a bay cu 6 saco di placa
di bentanan cu lo tabatin den un kluis.
Segun e dama victima ta trata di dos homber bruin flaco largo mas o menos 1.80 y nan lo tabata
aparentemente na pia, e victima no por a mira cua direccion nan a cana bay pa motibo cu nan lo a
menas’e di tire si e wak den cua direccion nan lo bay.
E dama tabata hopi spanta, mesora e polisnan na e sitio a pidi pa presencia di Slachtofferhulp y tambe di
Atraco team. Despues di un rato a pidi pa presencia di un ambulance paso e victima di atraco a bira
malo.
E Atraco #55 aki ta den man di recherchenan pa mas investigacion.

Chevrolet Aveo ta perde control ranca palo di luz

y cay den greppel

1 min ago 0 0 Views

Hato:Diadomingo den oranan di mainta ta sosode un accidente cu hende herida riba e caminda di Hato
pa Tanki Flip, mesora ta manda un patruya di polis y ambulance na e sitio.
Na e sitio polis ta bin compronde cu e chauffeur di e Chevrolet Aveo mester a hala pa no dal contra un
Altezza Blanco cu tabata pasando auto biniendo frontal riba dje, pa evita un accidente frontal e dama tras
di stuur di e Aveo a trata na hala pero a perde control y a ranca un palo di lus y a bay cai den e greppel
bandi caminda. E Altezza Blanco cu a causa e accident aki no a para pa su responsabilidad y a sigui core.
E dama chauffeur y tambe e pasahero masculino a keda levemente herida, personal di ambulance a
tratanan na e sitio.

Drive by shooting na Duartestraat, a los cantidad
di tiro ariba un cas

1 min ago 0 0 Views

Duartestraat, Noord: Diadomingo den oranan di marduga polis ta wordo manda cu hopi urgencia den
Duartestraat pa un caso di tiramento.
Na yegada di e prome patruya, nan a bin compronde cu un persona a bay sali for di su cas y a wordo
sorprendi pa algun desconoci cu a cuminsa mande cu botter y piedra, e desconocinan no a keda na tira
botter cu piedra despues di un rato a los mas o menos 6 tiro. E balanan a alcansa bentana, muraya y
hasta den e plafond di e cas. Niun persona a wordo alcansa pa e tironan.
Aparentemente e tironan aki lo a sali for di un auto blanco chikito cu glas getint preto. Polis mesora a
cuminsa buska y a logra haya 6 huls, net na e skina bandi pabou di caminda. E hulsnan lo ta di caliber
22.
Polis na e sitio mesora a pidi pa polisnan technico bin na e sitio pa haci mas investigacion di e caso di
tiramento aki.