Page 27 - flip min.jus

Diahuebs reunionnan a continua den un esfuerso pa busca solucion pa e retonan cu ta presentando cu
hobennan problematico. Esaki ta hobennan cu ta lanta sin educacion y formacion na cas. E prome
reunion a tuma luga caba den aña 2014, caminda diferente departamento di Husticia, Asuntonan Social y
Enseñansa a delibera riba e problema aki.
Un problema cu hamas a wordo atendi aki na Aruba, pa falta di facilidad y experticio apropia. Minister
mr. Drs. Arthur Dowers a instala e prome miembronan di e comision cu lo duna contenido na un maneho
integral pa atende cu e problematica aki.
Den e siman venidero lo amplia e comision cu miembronan representando e otro Ministerionan, cu
tambe lo tin e tarea pa prepara e departamento nobo den centro ortopedagogico. Banda di e
“dagbehandeling” di e centro aki awor lo bay conta cu e departamento forensico ortopedagogico.
Esaki lo ta un departamento pa diagnostica y trata hobennan cu a bini den contacto cu husticia.

http://www.24ora.com/politica-mainmenu-18/92114-minister-dowers-lo-bin-un-departamento-
forensico-ortopedagogico