Page 35 - flip min.on

Maestronan di Scol Primario Kudawecha ta para tras di
Juffrouw Suki

Saturday, 28 M arch 2015 17:17
Comparti

E caso di suspension pa investigacion encuanto problemanan entre un juffrouw, y un alumno y
su mayornan a lanta hopi stof y emocion den nos comunidad. Finalisando e siman di scol pasa,
maestronan di Scol Primario Kudawecha a organisa un conferencia di prensa pa comparti nan
opinion y laga comunidad sa cu nan ta para tras di nan colega.
Marilu Maduro a expresa cu e ta para 100% tras di Suki Croes, pasobra e no conoc’e solamente
como colega, pero tambe como mayor, kende tabatin un yiu den su klas. Loke a pasa cu
Juffrouw Suki ta “haci mi mas dolor, pasobra mi conoce Juffrouw Suki como persona. Mi sa ki
clase di maestro mi colega ta,” el a subraya.
El a agrega cu un cos cu hopi maestro no ta haci mas y e ta admira Juffrouw Suki pa esaki, ta
con e ta inverti di su tempo liber pa bay cu su muchanan di klas cinema y bowling. Masha poco
biaha bo ta wak esaki ta pasa, Marilu Maduro a bisa.
E ta sinti cu su colega no wordo trata hustamente y no a haya un chens pa papia manera mester
ta. E hechonan mester bin dilanti, no mester tin un “tintje politico, el a bisa, encurashando
prensa pa busca e hechonan den e caso aki. Maduro a bisa enfaticamente cu maestronan tin
“geheimhouding” y etica di trabao y no por bisa tur cos cu nan sa.
Un otro colega di Juffrouw Suki, esta Jesenia Ras-Croes, ta duna les den klas 4 y a comparti su
preocupacion pa cu e derechonan di maestro.
El a bisa cu “ta hopi importante pa tur hende sa cu nos no ta para akinanan den un bataya di
partido politico contra otro. Pasobra, mirando con nan a susha nos colega su nomber. Nan ta
tira yen cos, cu ta color, partido politico, e cos aki no ta bayendo a base di partido politico. E ta
bay cu e caso aki mester tabatin un manera adecua pa a cana y e proceduranan aki no a pasa
manera mester ta.”
Jesenia Ras-Croes a expresa cu preocupacion cu e tipo di casonan asina sigui pasa. El a puntra,
“Kico ta nos derecho, unda nos tin cu cana, ken t’esun cu ta dicidi kico ta pasa cu nos?”
“Awo nos niun no tin esey. E no a bay na manera mester ta, kiermen anos tambe di nos parti
nos ta sostene nos colega,” el a remarca. “Y, mi ta bisa media tambe mester tene un tiki mas
precaucion cu loke nan ta “post”, “zowel” riba internet of loke nan ta pone den corant, si bo no
tin e berdad no post e, pasobra e no ta niun tiki na agrado pa daña nomber di hende, paso ora
cu e caso aki aclarea ami ta expect tambe cu media ta pidi nan disculpa pa a daña e nomber di e
maestra aki na manera cu nan a haci’e,” Ras-Croes a subraya.
El a splica cu e maestronan tin contacto cu SIMAR y ta cana y traha cu profesionalismo. “Nos
no a trece nada dilanti manera, bo sa, tira di biaha paso nos sa kico nos tin cu haci. Anos si ta