Page 56 - flip min.on

SIMAR cu accion silencioso contra intimidacion di maestro

 Mar 30th, 2015
 Local

Sindicato di Maestro di Aruba a haya e mensahe cla y raspa di su miembronan y tambe di varios
maestro y docente, cu awor ta basta. Maestronan ultimamente ta hayando nan mes mas y mas
confronta cu tur tipo di intimidacion y menasa, falta di respet y ta sinti falta specialmente di balor
pa nan trabou diario cu ta aporta na formacion di nan alumnonan.
Dia aden y dia afo, maestronan ta duna tur di nan parti pa haci di lo miho pa nan studiantenan.
Banda di duna les, nan ta haya nan obliga di fungi como psicologo, polis, enfermero y hasta
como un trahado social, pa e tantisimo casonan cu ta presenta cerca nan. Hopi ta esunnan cu ta
inverti financieramente for di nan cartera, den enseñansa y mayoria biaha nan ta ricibi un scop pa
danki. Mirando e tantisimo casonan di maestronan cu SIMAR ta atende a dicidi di lansa un
accion silencioso cu ta encera simplemente pa maestronan bisti na preto DIAMARS venidero.
Esaki pa demostra solidaridad na esunnan cu ta haya nan mes confronta cu intimidacion, abuso y
falta di respet na pia di trabou. SIMAR y maestronan ta haya cu e maestro tambe merece
proteccion, siguridad na pia di trabou y sosten y guia na momentonan cu e ta den crisis of
necesidad di tal.
SIMAR ta pidi tur maestro y docente pa uni na e accion silencioso aki, asina demostra nos
malcontento y exigi mas respet y balor pa nos trabou.
masnoticia.com/simar-cu-accion-silencioso-contra-intimidacion-di-maestro/