Page 9 - Brandweer Dec 22, 2014

Bendedonan di klapchi mester cumpli cu varios
rekisito prome cu nan haya permiso pa bende
esaki

• Dec 21st, 2014
• Local

Bendedonan di klapchi tin cu cumpli cu bata rekisito, entre nan e aspecto di siguridad. Pa nan por haya
un permiso pa bende nan mercancia, tin basta cos cu mester tene cuenta cu ne.
Segun Marlon Croes, director di DOW, polis ta duna permiso pa bende pero DOW ta duna e parti di
tereno. E ta splica cu DOW ta duna conseho y polis ta duna un permiso di benta, y e permiso ey ta
prome cu e tuma luga, tin algun punto mester cumpli cu ne. Un di nan ta si ta tereno publico, mester pidi
un precaria vergunning for di DIP. E comision, ora cu ta bay duna un conseho riba dje, ta mira e punto di
benta pa mira cu e no ta forma peliger den e vecindario. A base di esey ta duna un conseho y tambe for
di ki tipo di facilidad nan ta bende. Ta bende for di algo cu no ta cumpli cu normanan of ta bende for di un
luga cu ta cumpli cu tur norma di siguridad y prevencion di candela. Tur esey e team ta evalua prome cu
duna un punto di benta un conseho positivo riba cual polis ta duna un permiso di benta.
Container, te awor aki, a demostra cu ta mas sigur, segun Croes. Esaki ta pa tene e mercancia den un
luga sigur, cera y aleha for di e publico y tambe pa tin tur señalnan pa preveni cu hende ta huma den
vecindario y tambe e ekiponan pa paga candela, si bin un candela chikito den e area pa page di biaha,
Croes a bisa finalmente.

http://masnoticia.com/bendedonan-di-klapchi-mester-cumpli-cu-varios-rekisito-prome-cu-nan-haya-
permiso-pa-bende-esaki/
http://www.awe24.com/20141221/20325/Accion_rapido_a_impedi_compleho_di_cas_pega_na_otro_
pa_kima_completamente