Page 45 - MIN ECEM
P. 45
Bin celebra Dia di Boneiro
diadomingo awo
4 September, 2017
0
Tur cos ta mustra cu diadomingo awo, lo bay ta un exito rotundo, asina ta bin
prepara pa bin wapa y celebra Dia di Boneiro den grandi. Informacion ta mustra
cu tur cos ta kedando cla. Tambe lo inaugura e entrada oficial dilanti di un otro
proyecto cu a wordo realisa. Tur hende ta keda cordialmente invita pa bin na
Theresita Center diadomingo. Cuminda lo ta e.o cabrito stoba, cabes cu higra,
John cake, diferente sopi, grouper fillet, bolonan di chateau, pineapple, lo tin
dulce de leche, awa di lamunchi, juice di tamarijn y hopi pa menciona.
Gruponan di baile y DJ lo sali pa 5’or di atardi, for di e plenchi di Theresita
Center, bay den Bernhardstraat, Vuylesteekestraat, Pastoor Hendrickstraat,
Caya Dick Cooper y caba na e plenchi. Agrupacion ESO directamente for di
Boneiro lo tey te cu 10’or pa deleita un y tur presente. Bin pasa un rato gezellig
y alabes celebra hunto cu e comunidad Boneriano na Aruba riba nan dia.
