Page 23 - DESPA

Imsan a ricibi minister Dangui Oduber pa di dos biaha. Dr. Joel Rajnherc, director di e

instituto a splica cu nan ta hopi honra cu minister por a tuma tempo pa bay eynan y cera

conoci cu nan na Imsan, wak con e proyecto ta andando y cu e ta carga e vision cu ta pas

den e gobierno nobo aki tambe di Aruba.

No tey solamente pa haci un construccion, pero den e mesun vision kier a eleva e calidad

di e servicio cu ta brinda pueblo. Kiermen, den e proyecto no solamente tin construccion,

no solamente tin e ekipo mas moderno, mas adecua pa Aruba, pero tambe mesora tin e

programa di JCI Accreditarion, cu ta bezig cune cu Baptist y ta percura pa ora cu nan ta

cla cu e construccion, tin un operational readiness cu nan ta cla pa brinda e servicio na e

nivel di e calidad mas halto cu por brinda.

Mesora

Esaki lo cuminsa mesora cu e proyecto keda cla. Durante curso di e preparacion y
construccion di e edificio, ta haci e trainingnan caba. E ta un parallel track cu nan ta cana.

No ta haci prome e edificio y despues training. Mesora cu ta haci construccion, haci

training tambe. Ora cu ta cla, mester ta 100% cla pa duna e miho servicio.

Atrasa

Actualmente nan ta un tiki atrasa, pasobra financiamento a tuma mas tempo cu a spera. E

proceso di termina tur e dibuhonan ainda tambe a duna su retonan, pero awo por bisa cu

nan ta echt back on track. Nan ta spera cu pa medio di Februari tin un contract firma cu e

contratista general y cu den comienso di Maart ya caba por cuminsa haci otro proyecto di
e construccion cuminsa cana tambe cu ta bay wak visualmente kico ta pasando.