Page 3 - AAA

por sinta preta preta den e stoelnan. Tin un pantaya berdad, pero no tur ora e ta traha. Net ora cu
probablemente ta ora di lunch, bo kier come algo. Hopi biaha ta haya e hendenan eyriba, pero no tin
nada adecuado. Ta hopi tempo cu e cos aki ta pasando. Duna taxistanan e respet, pasobra nan ta e
prome contacto cu e turistanan ora nan subi den e auto.

Croes a sigui comenta cu te awor aki, el a papia cu e coleganan y ta bisa cu nan ta disgusta,
pasobra ta haya cierto situacionnan asina, pero pa un hende bin dilanti bin bisa eseynan, nan no ta
haci’e. Croes tabata tin un disgusto hopi tempo y a dicidi di post’e riba facebook. E simplemente ta
bisa pa respeta e taxistanan un tiki. Nan ta duna servicio. Nan ta paga pa duna servicio y ta exigi
respet como taxista.

Na e salida, ta para, no tin bista bon cla si por bay dilanti y hera hopi biaha si sali tin chens cu nan ta
manda nan patras y eseynan ta cosnan cu no por.

Nan a bay na manera robes. E dak a wordo traha, pero no tin auto sa para. E mesun coriente cu
nan ta acumula, nan por traha un cantina cu airco pa e taxistanan.

Croes a sigui splica cu e luga no ta suficiente pa tur e taxistanan, e luga caminda nan ta sinta
tampoco no ta suficiente, e manera cu nan tin cu sali, tampoco nan no por. E taxistanan no por para
mey mey pasobra ta salida di emergencia. Con e taxista por wak con e por sali. Si bay dilanti, nan ta
wordo manda bek patras.

A haya reaccion di varios di e coleganan. Croes a remarca cu e taxistanan ta independiente. Aunke
e ta pensa cu ta bon pa nan uni y traha un carta y manda nan puntonan di preocupacion pa
aeropuerto. Esaki ta un disgusto cu e tin pa hopi tempo y ta puntra su mes con por ta.

A puntra Croes si tin prueba caminda cu na 2012 lo bin cu un cantina pa e taxinan door di cobranan
pa cual aki e ta splica cu despues di 4 aña mucho no a ser haci.

Notulen a wordo traha, entre nan e mes. Tin mas colega cu tabata na e reunion y a bis’e mesun cos
encuanto di e cantina y tambe mas cos, cual no a pasa. Nan tabata tin tambe hopi exigencia di parti
di aeropuerto. Pero cu paso di tempo tur cos a manera verwater y e mes ta desea pa adresa e
puntonan ya menciona, mas pronto posibel. E luga ta hopi chikito. Den low season nan ta hopi
gepak eynan, compara cu high season. Ora cu avionnan yega, no ta asina cu nan ta baha for di
avion y sali di biaha. Tin un proceso caminda cu e taxista tin cu warda, Croes a splica.

http://masnoticia.com/taxistanan-no-ta-mucho-contento-cu-e-trato-cu-nan-ta-haya-na-aeropuerto/