Page 23 - diario june 30

DIAMARS 30 JUNI 2015
Estilo, Salud, Moda y Beyeza
Importancia di ehercicio ora bo edad ta avanzando!
Actividad fisico y ehercicio
por yuda bo mantene un bon
salud, energia y independiente
mientras bo edad ta subiendo.
Adultonan riba 65 aña ta pasa
dia sinta of drumi un averahe di
10ora pa dia cu ta haci cu nan
ta cai den e grupo cu ta mas
sedentario.
Nan ta esnan cu ta menos activo
y cu e cantidad di mas halto
di caida, obesidad, malesanan
di curason y morto prematuro
compara cu e publico general.
Pues mas bo edad avansa, mas
importante ta bira of sea activo. Receta di siman
Keda activo y si bo no haci
esaki, poco poco e curpa ta bai
atras y cosnan cu ta haci bida
dushi y bunita, lo slip bai poco
poco for di bo man.
Cosnan simpel manera hunga
cu bo nietonan, cana den caya,
actividadnan cu amistadnan..etc
lo bira dificil pa bo. Derepente
bo lo haya dolor tur caminda y
dimes menos energia pa sali bai
por ehempel supermercado of
cualkier actividad pafo di cas…
.y manera nos a menciona mas
vulnerabel pa caida y pa fractura
algo (heup, pia, man…. Cu ta
haci cu bo no por cuida ni wak
pa bo mes y cu bo mester hende
pa wak bo (in-dependiente).
Tin asina hopi evidencia y
estudionan cu ta mustra cla
y raspa cu ehercicio ta baha
e risico di haya balesanan di
curason, diabetici, algun cancer,
deprecion y dementia.
Hopi biaha mi ta tende di tanto
jovenan como esnan adulto cu
trabao di cas, core hiba yiu aki
aya y cushina tur dia ta conta
como movecion pero NO ta
asina cu por conta esakinan
DIARIO
como movecion of ehercicio ni tambe ta pa bo no pasa e dia
actividad fisico! sinta of drumi pues evita sinta
Esaki principalmente pasobra oranan ta wak TV, stuur of lesa.
nan no ta subi e ritmo cardiaco Minimalmente 150 min pa
na e nivel y constancia pa siman di actividad modera
considera nan como aktividad aerobico (30min pa 5 dia) cu
fisico. Siendo fisikamente por ta cana, aqua aerobics, core
aktivo tambe ta un manera pa ta bicicleta y preferibel combina
encontacto den un manera social, cu fitness den gym.
cu faminanan, amistadesnan, NO ta laat pa bo cuminsa
bisiñanan. awor…ni maske bo no tabata
Actividad fisico por ta activo den bo añanan anterior.
simplemente cana of un Cuminsa awe mes pa un mihor
deporte recreativo (softball, salud!
voetball,volleyball). Importante
Cheeseball
Ingredientenan:
Hariña di pan (ta depende cuanto bo ta uza pa e
cheeseball nan pa lora nan bon)
3 webo,
1 lb. keeshi raspa
1 telep baking powder y 1 telep peper.
Bati e webonan y e bakin powder bon te ora e scuma.
Tira e keeshi y peper aserca y sigui bati. Ta agrega e
hariña poco poco te ora e bira tal sistema cu bo por
lore sin problema. Traha forma di balanan chikito cu
e mansa. Ora ta cla ta hasanan den azeta cayente y ora
ta cla ta pone riba scotchtowel pa e zeta score.
Manda bo recetanan y bo por gana Afls. 25,=
ora e wordo publica.
PAGINA 23
E MENTE SUBCONSCIENTE
Nos tin un solo mente cu ta traha ariba dos diferente nivel:
esun consciente y esun subconsciente. Nos ta tuma decision,
pensa y actua cu nos mente consciente. Nos pensamento logico,
nos rasonamento, nos parti analitico y nos willpower ta parti di
nos mente consciente cu ta e parti di nos mente cu ta PENSA.
Nos memoria permanente, nos emocionnan y nos imaginacion
ta parti di nos mente subconsciente.
Nos mente subconsciente ta controla nos custumbernan.
Nos mente subconsciente ta tuma tur cos letterlijk, e ta siña, e
ta generalisa y e ta ACTUA. Tur cos cu nos ripiti hopi biaha
nos mente subconsciente ta tuma over y ta bira un custumber
permanente. Nos mente subconsciente ta masha “floho” den
e sentido cu na momento cu e custumbra cu algo, e lo haci
tur cos cu ta posibel pa e no cambia mas. Door cu nos mente
subconsciente no ta e parti di e mente cu ta pensa, e ta acepta
tur cos cu nos haci hopi biaha (ripiti) manera un instruccion
permanente pa tuma over e actividad aki. Door cu e mente
subconsciente no ta husga tampoco, e ta acepta pa haci tur cos
cu nos haci hopi biaha como un custumber sin considera si e ta
bon of malo.
Nos bida ta forma pa e custumbernan cu nos a adopta
for di dia cu nos a nace te cu awe. Si for di chikito nos a
custumbra di come cierto cuminda, nos mente subconsciente
a tuma e custumber aki over y a hacie permanente y ni kico
nos haci, e no ta laga nos cambie paso cu ta hopi tempo nos
tin ta hacie asina. Corda cu nos mente subconsciente no ta
pensa sino ACTUA y ta tuma over tur informacion cu nos ta
expone nos mes na dje y ta acepta esaki como e berdad. Door
di expone nos mes na mensahenan negativo, mal custumber,
bicio y supersticionnan di otro constantemente nos ta tuma over
e pensamentonan aki tambe. Si por ehempel, ora bo ta tin 15
aña bo a cuminsa huma door cu bo kier a play tof of kier a
pertenece na un grupo, awor despues di 30 aña ta huma, bo
mente subconsciente no ta comprende dicon awor bo lo kier
stop.
Nos mente subconsciente ta continuamente compara
con nos tabata haci algo prome y ta constantemente bringa pa
esey keda mescos y pa e no cambia. Aunke cu por ta nos por
pensa cu esaki ta malo door cu e mente subconsciente no ta laga
bay di nos mal custumbernan, nos tin cu realisa cu e mecanismo
aki ta esun cu ta proteha nos y garantisa nos sobrevivencia.
Imagina bo si tur mainta ora bo lanta bo ta tin cu corda tur e
miles di cos cu bo ta haci automaticamente awe danki na bo
mente subconsciente! Tur cos cu nos a haci hopi biaha nos a
siña haci automaticamente cu ta garantisa cu nunca mas nos ta
lubida nan. Danki na e mecanismo aki bo no ta lubida con pa
cana, con pa stuur auto, con pa come y tur e cosnan importante
cu bo ta haci automaticamente tur dia.
Con hypnosis por yuda? Hypnosis ta permiti e parti
critico di nos mente (e parti cu ta compara e informacion nobo cu
esun bieu) di ta menos critico. Hypnosis ta permiti pa nos evita
e mecanismo di comparacion aki y ta permiti nos pa cambia
e creencia y custumbernan negativo. Hypnosis ta un estado
natural caminda cu bo ta profundamente concentra y ta bira
mas habri pa sugerencia. Aunke algun hende ta kere diferente,
durante un sesion di hypnosis bo ta mantene bo selectividad (bo
por dicidi kico bo ta scoge), bo willpower y tur bo facultadnan
y por scucha, wak, sinti, hole, smaak, pensa y papia.
E realidad ta cu ora bo ta den hypnosis bo tin mas control
di bo facultadnan. E unico cos cu ta cambia ta cu bo ta bira mas
habri pa cierto sugerencia. Si durante di hypnosis bo ricibi un
sugerencia cu ta cuadra cu loke berdad abo profundamente ta
di acuerdo cu ne y kier cambia, lo bo acepta e sugerencia aki.
Si bo no ta di acuerdo cu e sugerencia bo mente subconsciente
lo rechas’e y bo lo no acept’e. Ta pa esey cu hypnosis un hende
cu tin 30 aña ta huma por acepta un sugerencia pa stop di huma
siendo cu e la purba tur cos pa stop.