Page 7 - AWM 8 OCT,2015

AWEMainta Diahuebs, 08 Oktober 2015 7

Durante un entrada hudicial diamars mainta….

Husticia a confiscá
un fortuna na auto
y placa

WILLEMSTAD - E accionnan cu Ministerionan di Husticia

y di Finanza a prepará y anunciá recientemente caminda lo
cuminsa confiscá auto, boto y propiedadnan inmobilario di cual
husticia ta sospechá cu a cumpra nan cu placa criminal a duna su
promé resultado concreto diamars mainta ora cu combinacion di
agentenan di varios ramo hudicial y militar a confiscá un fortuna
na auto di luho y placa cash.
E botin cu bao di direccion di Ministerio Publico e agentenan
a confiscá cu asistencia di militar y agentenan di RST, tabata
simplemente spectacular y por papia trankilamente di un fortuna
na auto y otro artículo.
Nan a tira inval na dos direccion na Sunset Valley y Rancho
caminda a confiscá un Porch Carrera 911, otro Porch Cayenne,
un Chevrolet Camaro, un Toyota Lexus y un motocycle caro.
Tambe nan a confiscá mercancia den forma di oloshi caro marca
Breitling y Rolex plus hopi placa cash principalmente euro.
Recientemente tambe den un accion similar e equiponan aki a
confiscá 70.000 euro cash y combiná cu e botin di diamars mainta
por papia trankil di un botin cu bal un fortuna.
Di acuerdo cu vocero di Ministerio Publico, den casonan manera
esun aki, lo pone e mercancianan aki na findishi y e placa cu nan
produci, lo bay den e fondo pa combati criminalidad.
E mercancia y e autonan lo ta propiedad di un Macamba y un
Curasoleño C.J., kende ta un recidivista cu a yega di bay será
caba na Corsou, pero identidad di e Hulandes Macamba nos
redaccion no por a logra haña.
E campaña ta sigi, pero Ministerio Publico ta sumamente
satisfecho cu e logro importante aki ya cu e ta contribui pa haña
placa for di e propio criminalnan pa combati crimen riba nos isla.