Page 9 - AWEMAINTA

AWEMainta Diahuebs, 24 Augustus 2017 9

Accidente

di trafico

cu herido

WILLEMSTAD – Diaran-
son, 23 di augustus 2017,
alrededor di 10:38, Central
di Polis a dirigi un patruya
pa dr. Willem P. Maalweg
pa un accidente entre un
auto y un motocicleta.

Na yegada di e patruya
policial nan a topa e victima
fuera di conocemento.
For di un investigacion
preliminar cu Polis a haci
n’e sitio, a sali na cla cu
e motocicleta tabata core
rib’e caminda menciona
direccion saliña.

Dado momento un auto a
sali for di un luga di par-
keer pa subi riba dr. W.P.
Maalweg direccion di Mari
Pampun sin duna e moto-
cicleta preferencia cu e con-
secuencia cu e motocicleta
a bay dal den e auto. Dor
di e impacto aki e victima
su helmet a kita for di su
cabes y el a ricibi heridanan
di gravedad.

Ambulance cu a yega n’e
sitio a transporta e victima
di 56 aña di edad den un
estado di preocupacion pa
Policlinica di SEHOS pa
tratamento medico.
Despues di tratamento e
victima a keda interna den
cuido intensivo di hospital.
Departamento di Trafico ta
continua cu e investigacion.