Page 31 - EXTRA21NOV2015
P. 31
Djasabra 21 Novèmber 2015 31
TIÑA (RINGWORM)
Zoonosis ta un enfermedat ku por keda transmití di animal pa hende.
Generalmente ta trata di enfermedatnan ku ta eksistí normalmente serka
otro animalnan pero tambe ta afektá hende. Si e enfermedat por transmití
di hende pa animal nos ta yam’é antropozoonsis.
Ta diferente zoonosis ta eksistí i p’esei Mundu di Animal lo bai informá
riba esnan prinsipal ku por atkerí for di nos animalnan di kas entre nan ta
e enfermedatnan di rabia, toxocariasis, campilobateriosis, leptospirosis,
leishmaniasis, brucelosis, filariosis, gripe aviar, tiña, sarna ets. Tin mas
di 200 zoonosis.
Un di e enfermedatnan di zoonosis ta e tiña.
Na Kòrsou nos konosé Tiña komo ringworm
Ta trata aki di infekshonnan zoonotikas ku ta presentá ku un frekuensia
haltu. 82% di e kasonan tin antesedente di kontakto ku pushi. Ta,be ku
kachó, konènchi i hamster.
Ta trata di un inflamashon kutanea produsí pa schimel. E agentenan
mas frekuente ta trichophyton i microsporum canis.
Nan por afektá e kueru den kualke parti di e kurpa, kabes, pia ets.
Tiña ta kontagioso i por transmití di un persona pa otro pa kontakto
direktor ku kueru òf kontakto ku elementonan kontaminá manera peña,
paña sin laba i superfisie di duch i pisinanan.
TRATAMENTU
Mester sòru pa e kueru ta limpi i seku. Ta rekomendá apliká
loshon òf krema antimikotiko ku por atkerí sin reseta médiko
manera miconasol i clotrimazol.
Mester laba e laken i paña di kama tur dia miéntras e personanan
ta infektá.
E leshon mas fuerte i persistente tin mester di atenshon médiko
profeshonal. Por atministrá remedi antimikotiko oral ku por ta
nesesario di e kabei ta afektá i ta posibel ku tambe ta nesesario pa
atministrá antibiótika.
E remedinan pa kueru generalmente ta efektivo pa e tratamentu
di e tiña den un periodo di 4 siman.
PREVENSHON
No kompartí paña, sèrbètè di seka, skeiru pa kabei, peña, pèchi
ets ets
Usa sandalia òf sapatu den lugánan di hasi deporte i gemastik
i tambe pisinanan.
Evita mishi ku bestianan ku tin plèki bashí sin kabei.
