Page 46 - EXTRA21NOV2015

46 Djasabra 21 Novèmber 2015

...Alex Rosaria... SOSEGA NA PAS

PARTIDO
PAIS TA DUNA
REKONOSEMENTU
NA STANLEY PALM

WILLEMSTAD.- Partido
Pais públikamente ta duna
un rekonosementu grandi
na Stanley Palm ku no
tabatin problema pa sede
su ministerio i garantisá
asina ku tin kontinuidat di
gobièrnu ku el a forma parti
di dje pa kasi tres aña Alex
Rosaria, lider polítiko dje
partido a bisa na prensa.

Alex Rosaria a lamentá
ku tabatin asina tantu
insinuashon i spekulashon
rondó dje posishon di
e minister saliente di
Desaroyo Ekonómiko.
Stanley Palm huntu ku
hefatura polítiko di partido
a komprondé i aseptá ku ta
un eks-miembro di Pais a
kousa e krísis loke a nifiká
outomátikamente ku Pais
mes mester a sakrifiká, un
sakrifisio ku a toka Stanley
Palm pa hasi i pa kua partido
ta duna rekonosementu
Alex Rosaria a bisa. 99
porshentu di zonido ku nan
a haña tabata mustra den
direkshon di reformashon
i nada di elekshon i esei a
yuda tambe e lider polítiko
di Pais a bisa.

El a informá mas aleu
ku Pais a pidi i haña mas
tempu di Informador, awor
Formador Ben Whiteman pa
a traha su lista di puntonan
i kosnan ku Pais ke mira
realisá den e periodo ku
tin nan dilanti, periodo
ku mester kulminá den
elekshon otro aña òktober.
Pais no por a redaktá e lista
pa motibu ku dos minister
tabata ousente. Entretantu
ministernan Etienne van der
Horst i Stanley Palm ta bèk
i nan a suministrá un tim di
spesialistanan di Pais ku e
informashon ku mester pa
redaktá e lista. Ta intenshon
pa fo’i listanan di deseo i/o
‘must’ di e partidonan saka
un ‘short list’ ku lo bira
e linea di gobernashon di
Gabinete Whiteman II.