Page 32 - WEB

Pa loke a sosode diabierna ultimo, pa mas of menos 9’or y 37 di mainta, Aruba a bay
den un blackout. A haci un investigacion completo pa bay den detaye kico a sosode y
pa bay hasta den historia, si por tabata tin cierto indicacion cu por a preveni riba esey,
ta andando.

Pa duna un informacion y tambe pa aclarea cierto noticianan cu ta saliendo rond, e
problema a inicia na turbina generator 6, cual ta un di e turbinanan cu ta opera riba
steam ainda. Su sistema di proteccion a trigger y esey a causa cu turbina generator 6 a

trip pa mas of menos e ora ya indica, diabierna mainta. E momento ey e tabata opera
riba 22 Megawatt y tambe e tabata e turbina cu tabata regla e frecuencia.

Loke a haci ta cu na momento cu el a trigger, otro motornan a purba di pickup e

demanda, esta e 22 megawatt cu a cay afo, mester a tum’e over door di e otro
ekiponan. Nan a pickup, pero no por a mantene e demanda, door cu no tabata tin
suficiente reserva na e momento ey. E 22 megawatt tabata mas hopi cu e motornan
den operacion na e momento ey por a pickup, pa asina continua cu e suministro.

Awor aki tin un team investigando den detaye kico a sosode. Bisando esey, locual
indicacion preliminar ta mustra cu tabata tin un instrumento di proteccio cu a spreek
aan. Pero e turbinanan ta ekipa cu dos tipo di sensor cu tur dos mester faya, pa asina e

turbina mester por trip.

Despues di investigacion, un di nan a faya, pero ainda e detayenan dicon e di dos no a
sigui traha of pakico e turbina a trip mientras cu e di dos si tabata funciona, ta loke tin

cu investiga den e siguiente dianan.