Page 28 - AWEMAINTA

28 AWEMainta Diabierna, 20 April 2018

Caribbean Palm Village ta celebra

premionan di e prome trimester di 2018

E ceremonia trimesteral di
premiacion na Caribbean Palm
Village Resort ta un evento hopi
gusta, y a wordo dirigi pa e Gerente
General interino Astrid Muller y
su ekipo ehecutivo. E ambiente
semper ta uno festivo ya cu e
asociadonan ta wordo reconoci
pa nan prestacionnan excepcional
den nan departamento y pa hasi
un esfuerso extra, cu storianan
extraordinario di iniciativa y
creatividad.

E nominadonan pa e prome
trimester di 2018 tabata e hardinero
Hyacintho Henriquez, cu ta un miembro di e departamento
di Maintenance, Gregoria Burgos di Housekeeping y Rashida
Gomez di Front Desk. Gregory Sanchez, un supervisor di
Maintenance a bai cu e premio maximo. Gregory, cu tin basta
aña caba ta traha pa e hotel, ta un profesional dedica, cu ta
supervisa tur reparacion y na un manera experto ta hasi su
trabao di hefe di departamento.
Tur esunnan cu a bai e extra mile pa sirbi e hotel y su
empleadonan tabata Rosalba Ras, Accounting, Gregory
Sanchez, Maintenance, miembronan di Housekeeping
Hernando Ospino, Alfredo Sotillo, Henrica Tromp, Gregoria
Burgos, Gilberto Spataro, y Anarella Pineyro, driver Patrick
Arends, Front Desk Agent Evelyne Boekhoudt y ehecutiva di
Reservations Marilina Kuiperi.

Riba potret por aprecia e ceremonia di entregamento di
premio na e hotel, un ora agradabel cu snacks y coi bebe.
E evento trimestral a continua cu enfoke riba diabetes y
prevencion di e enfermedad, cu un profesional di ImSan di
centro medico na San Nicolas, cu a duna un presentacion
interesante y informativo.