Page 37 - AWEMAINTA

Diabierna, 20 April 2018 AWEMainta 37

Laga e fiesta di Bacardi Piña Colada

cuminsa na Hilton Aruba Caribbean Resort & Casino

E COCKTAIL mas popular di vakantie den Caribe, cu a wordo inventa na Puerto
Rico den añanan 50 of 60, sin duda ta e Piña Colada, traha cu rum, crema di coco
of lechi di coco y juice di anasa. E cocktail iconico recientemente a wordo refresca
pa e mixologonan di Hilton conhuntamente cu Bacardi, y ta disponibel na varios
propiedad di Hilton den Caribe pa un tempo limita.
E deseo pa refina e Piña Colada original a duna como resultado tres version special
contemporaneo. E Skinny Colada ta conta cu tur e sabor di e receta oiginal pero
cu menos caloria. E Coco-Mango Colada ta agrega e sabor fresco y dushi di mango,
mientras cu e Banana-Piña Colada ta e combinacion perfecto traha den e paraiso
tropical.

E Skinny Colada, traha cu Bacardi Limon Rum, Bacardi Gold y juice di anasa ta
substitui e crema di coco cu awa di coco. E Coco-Mango Colada elabora cu Bacardi
Superior Rum, Bacardi Limon, juice di anasa, crema di coco, heavy cream y un tiki
juice di lamunchi, ta inclui un ingrediente special cu ta duna e bebida honor na su
nomber, mango fresco corta chikito. E Banana Piña Colada ta rekeri Bacardi
Superior Rum, Bacardi Gold Rum, juice di anasa, crema di coco, heavy
cream, un bacoba y un tiki stropi di vanilia, e ta wordo bon mescla te ora
cu e keda smooth.

E tres cocktailnan aki ta disponibel na Gilligan’s Seafood Shack y
Castaways Bar, cu ta situa cara pa lama banda di e piscina di e hotel.
E bartendernan lo duna bida na e specialidad aki di Bacardi cada bes
cu bo order uno.