Page 18 - MIN JUS

8 AWEMainta Diahuebs, 26 October 2017

Supuesto intento di asesinato a

fracasa y a laga e victima herida atras

MAS tempran di diamars anochi, Polis a bay pa un
persona herida laga atras, serca di un rancho na Zwarte
Mangel. Aparentmente ta trata di un caso serio di in-
tento di asesinato.
Den prome instante a pidi pa ambulance, pero e victima
no kier a bay cu ambulance, mirando e seriedad di su
heridanan, Polis a hibe Imsan.
Despues di un rato un ambulance mester a transporte
cu urgencia pa hospital.

T’asina cu diamars den careda di 11’or y 35 di anochi,
Polis di San Nicolas ta wordo manda cu urgencia riba
e caminda pariba di K.I.A . Un poco mas panort, riba
e caminda cu ta bay p’e ranchonan na Zwarte Mangel,
pa un persona basta herida laga atras.
Na yegada e agentenan a topa cu un homber cu lo a
wordo severamente maltrata.
Loke nan por a saca afo di e homber aki, aparentemente
nan lo a pasa auto riba dje. E victima ta un conoci di
Polis.

Segun e homber di inicialnan F.G., kende a bisa Polis, cu
un primo di dje lo kier a mate, pero e lo a logra huy for
di auto. Aparentemente e primo, lo a pasa auto varios
biaha riba dje.
Presencia di ambulance a wordo pidi cu urgencia, pero
na nan yegada e victima a nenga di bay cu nan y tabata
haci hopi fastioso.
Algun rato despues, e patruya n’e sitio mes a transporta
e homber pa Imsan, paso e lo a bira mas malo y tabata
keha di hopi dolor. Na Imsan el a wordo controla y a
opta pa ambulance transporte cu urgencia pa Dr Horacio
E. Oduber Hospital, pa un control mas extenso.

VICTIMA
Ayera diaranzon mainta, den careda di 10’or Polis ta
bay altura di un adres na Piedra Plat. N’e direccion ey
un persona lo tabata buscando ayudo.
Na yegada di patruya, nan ta topa cu un bon conoci di
Polis, Felix Geerman. E persona aki ta biba pariba di
brug.

A bin resulta cu ta trata di e mesun homber cu diamars
anochi “nan a pasa auto riba dje” na Zwarte Mangel.
Na su pols por a wak e ainda cu e banchi di paciente di
Dr Horacio E.Oduber Hospital. Manera nos a bisa den
e relato anterior, ambulance a sali cu e persona aki cu
spoed den oranan di madruga direccion Hospital.

Awor no ta conoci si e mes a sali di hospital cana bay
of cu net nada a pasa y e por a bay cas.
Na nos parecer, si un auto a pasa varios biaha ribabo,
bo no por ta canando bon asina. Te hasta por a wak
e ta core tras di un auto p’e haña lift, pero esaki no a
para. Segun Polis, e tabata pidi lift p’e bay pariba, esta
San Nicolas.