Page 65 - MIN JUS

Un proyecto di alrededor di 250 miyon a bay Parlamento, pidi Parlamento atrabes di un

landsverordening pa por haya placa pa bin cu e proyecto. Algo sumamente necesario. E

hospital ta existi 40 aña largo. Awendia ta traha un hospital cu por wanta un 10 pa 15 aña.

Djey e mester wordo renoba, expandi of traha algo nobo. Esey ta e realidad di e

edificionan aki.

Pues e tabata necesario. SOGA ta bisa cu anytime nan por bay wak tur documento, te dia

di awe ningun di nan cu ta acusa, a yega porta di SOGA pa bay wak e documentonan.

Nan por bay. E documentonan ta eynan y nan por bay wak tur documento si nan kier.

Esey ta e destaho.

Djey a bin un acuerdo di 250 miyon y a bisa tambe kico e ta bay encera. Na caminda a

bin resulta y esey by the way, ta un decision di Raad van Bestuur di e tempo ey, di

hospital. No di gobierno, no di SOGA. E investigacion eynan tambe a wordo haci. E

documento eynan tambe ta den man di parlamentarionan. Pero aparentemente nan no ta

lesa. Tin tempo pa campaña, pero no tin tempo pa lesa. Pueblo no ta paga nan pa core

campaña, sino ta paga nan pa nan haci nan huiswerk.

A base di un conseho cu na final no tabata bon, a dicidi di no renoba ni intensive care, ni

e salanan di operacion. Pasobra segun Raad van Bestuur di e tempo ey, nan tabata bon

suficiente. A bin resulta cu no ta asina. Locual ta toca e sala di operacion, e mester a bin

acerca. Esey ta skirbi den un rapport tambe di Augustus 2014 di inspectie.

Minister Alex Schwengle a sigui splica cu e normanan di intensive care a cambia na

caminda. Na momento di normanan di calidad cambia, e no por nenga nan. No ta su

decision tampoco. Pasobra si expertonan ta bisa cu normanan di intensive care cambia di

tal manera cu bo mester cambia e intensive care toch, wel, bo ta cambi’e. Pasobra bo no