Page 3 - Newspaper Clippings AUA BNK Mrt 12. 2015
P. 3
Pagina 16 Diahuebs Maart 12 2015
RBC un biaha mas orguyoso sponsor di Festival di Himno y
Bandera
E aña aki un biaha mas
RBC Royal Bank ta un di
e orguyoso sponsornan
principal di e Festival
‘Un canto na nos Himno
y Bandera’. RBC ta hopi
contento di por a contribui
na yuda engrandece
cultura di Aruba pa medio
di e Festival aki.
Ya pa varios aña e
banco ta aporta na e
Festivalnan di Himno y
Bandera tanto infantil
como hubenil. Pa e
festivalnan di e aña aki un
biaha mas e patrocinador
ta contento di por a mira
asina tanto talento bao
di e participantenan cu a
trece algun presentacion
realmente fantastico pe
publico goza di nan.
Cu cada aporte na
Festivalnan di Himno y
Bandera RBC ta convenci
cu e parti importante di
nos cultura di Aruba ta
keda protegi y por sigui
crece. RBC a tuma nota
di hopi talento hoben cu
a sa di tuma e curashi
di canta Aruba y di nan
propio forma expresa nan
orguyo y amor pa nos
Himno y Bandera. RBC
Royal Bank ta felicita tur
participante y ganador
pa nan dedicacion y
aporte grandi na Cultura
di Aruba. Boso ta
ganador riba boso mes
pa hiba Cultura di Aruba
asina hopi na pecho.
Alabes RBC ta felicita
organizadornan pa un
Festival sumamente
exitoso.
