Page 27 - HOSPITAAL

Costo di dialyse

Dr. Rajnherc a splica cu anualmente cada pashent ta costa aproximadamente 100 mil

florin den tratamento, cu tur e remedinan cu e tin, cu tur otro malesanan cu e pashentnan

aki tin pa cubri e pashent cu ta na dialyse. E suma eynan ta basta realistico.

Peticion di otro areanan

Imsan ta haya peticion di otro luganan. Ya for di temporada di La Posada na Playa, tabata

tin basta turista Mericano y algun di Europa tambe cu tin timeshare na Aruba y cu sa bin

Aruba pa keda aki pa simannan largo y obviamente mester di nan tratamento di dialyse.

Tabata sirbi e pashentnan eynan semper. Ora cu a tuma e actividadnan di La Posada over,

a sigui cu e mesun pashentnan tambe. Pero mas y mas tabata wak cu no por amplia e
servicio ey cu ora pashentnan nobo for di exterior kier bin pa haya e servicio eynan, ta

yen caba y mester primariamente fix nos propio poblacion. Pero esey kiermen cu hopi

pashent cu kier bin bishita Aruba ta haya problema cu nan no ta haya e servicionan

necesario cu nan no tin y kier brinda esey, pasobra esey ta parti di mustra con bon e

salubridad publico ta, si por ofrece e servicionan ey na e hendenan di afo. No mester

lubida cu e hendenan aki tambe ta haci inversionnan na Aruba. Nan tin nan real estate cu

nan a cumpra aki. Nan ta biba na Aruba pa varios luna cada aña y nan ta hende cu nan ta

acepta cu mannan habri. Eseynan tambe tin cu wak bon con por bay haci e ampliacion di

e servicio di dialyse.COMMENTS

HTTP://24ORA.COM/SERVICIO-DI-DIALYSE-MESTER-WORDO-

AMPLIA/