Page 46 - Djaweps 8 mart 2018.pdf

48 Djaweps 8 Mart 2018
Na Ulanda

Gritu pa un investigashon

imparsial di sifra di kriminalidat

WILLEMSTAD. - Na riba sifra di kriminalidat na Ulanda.
Ulanda sindikatonan
grandi ta urgi pa bin ku un
investigashon imparsial di
sifranan di kriminalidat.
Segun e sindikatonan,
t’asina ku e sifranan
publiká, defakto mester ta
muchu mas haltu di e loke
ku a keda publiká.
Hopi hende a bira síniko i
no ta hasi denunsia mas, pa
motibu ku nan ta di opinion
ku nada no ta sosodé tòg.
Esaki ta komprendibel,
segun e sindikatonan,
pa motibu ku gobièrnu a
kòrta masha pisá den e
presupuesto di e kadena
hudisial penal.
E sindikatonan ta di
opinion ku kontrolaria
general mester hasi un
investigashon nobo, pa
motibu ku e organisashon
sientífiko WODC, na luna
di desèmber di aña pasá, a
sali na kla ku e tòp ámtenar
di e organisashon aki tabata
influensiá resultado di e
investigashonnan. Pues
e organisashon aki no tin
kredibilidat mas.
Segun sifranan ta indiká
ku na 2016 a sera ku ménos
krímen kometé i ménos
sospechoso detené.
Otro sifranan publiká den
media ulandes, ta indiká ku
na Ulanda a sera aña 2017
ku 160 asesinato mayoria di
den esfera di trafikashon di
droga.
Konforme
publikashonnan, t’asina ku
e kantidat di asesinatonan
kometé den 2017 ta
konsiderablemente mas
haltu ku den aña 2016.
Esaki ta 0.94 morto pa 100
mil habitante na Ulanda.
Pero ya no tin konfiansa
mas den e sifranan publiká
i p’esei tin e gritu pa
investigashon imparsial