Page 53 - Djaweps 8 mart 2018.pdf
P. 53
Djaweps 8 Mart 2018 55
Segun ministerio di Hustisia
‘Tèst di droga di tòp di
Hustisia ta manda un
mensahe kla’
Tokante mas integridat den kadena hudisial
WILLEMSTA.- Manera
korant EXTRA a skirbi ayera
minister di Hustisia Quincy
Girigorie huntu ku hefenan
di vários departamento
di e kadena hudisial,
boluntariamente a pasa
un tèst pa ku uso di droga.
Asina e titular di Hustisia
huntu ku e funshonarionan
aki a pone e promé stap pa
enkaminá un di e diferente
trayektonan di integridat
ku Minister Girigorie ta
ehekutando ku e meta
pa optimalisá servisio na
komunidat di parti di e
kadena hudisial.
Ku e akshon aki minister
Girigorie ke manda un
mensahe kla en kuantu
su vishon pa ku integridat
den kadena hudisial, esta
ku ta importante pa tur
organisashon den e kadena
aki tin un imágen intachabel.
Integridat ta konta
pa tur empleado for di e
funshonario di mas haltu
te na e empleado ku ta
operá den vèlt den kada
organisashon. Pasobra si
di parti di e komunidat
ku mester keda sirbí tin
deskonfiansa pa ku kualke
hefe di servisio òf e personal
di un organisashon ku
mester ta unu ehemplar,
esaki lo opstakulisá su tarea
i strob’é di duna e servisio
rekerí.
Aparte di minister
Girigorie, e funshonarionan
ku a someté nan mes djaluna
5 di mart na e tèst aki tabata
Mauricio Sambo, Raymond
Ellis i Franklin Girigorie di
e tim di maneho di Kuerpo
Polisial di Kòrsou, Medgar
Elisa, hefe di Landsrecherche
i e hefe suplente Elbert
Sambo, Elvin Regina hefe
di Brandweer Kòrsou, Urny
Floran i Richinel Ricardo
di Sentro di Detenshon
i Korekshon Kòrsou
(SDKK), Marlon Wernet
di ’Toelatingsorganisatie’
(TO), Prokuradó General
Roger Bos i hefe suplente di
VDC. Di tur e personanan ku
a someté nan mes na e tèst
aki e tèst a sali negativo,
pues no a konstatá uso di
droga serka ningun di nan.
