Page 48 - KPA

AWEMainta Dialuna, 18 September 2017 3

Despues cu homber agresivo no a duna oido na peticion di Polis

No a keda Polis nada otro di los tiro riba homber agresivo

PA mas o menos diasabra atardi 3:15 ya-
mada ta drenta na Warda di Polis Sta Cruz
pa un problema entre pareha (echtelijke
twist) na un cas na Macuarima.
Patruya di Sta Cruz ta bay di biaha n’e cas
encuestion. Na yegada patruya policial ta
topa cu e situacion na unda e meneer lo ta
agrediendo dos señora y tabata agresivo.
Ora el a wak Polis el a coy un binga y keda
bin riba e Polisnan.

Polis a pidi pa versterking, mientras cu Polis
a duna e homber varios aviso pa pone e biga
abao, pero e persona encuestion a keda bin
riba Polis na unda e Polis a haye obliga di
usa su arma reglamentario y los un tiro.
Despues di esey ainda e sospechoso keda
resisti contra Polis. A pidi pa ambulance
na unda na su yegada el a wordo atendi y
hiba hospital. Su situacion ta stabiel y for
di peliger. Segun informacion el a haya e
tiro den su bariga.
Departamento di Recherche, Departamento
Forensico y Hefe di Departamento di Re-
cherche, Comisario Trudy Hassell y tambe
Ayudo pa Victima a presenta n’e sitio.
Manera e regla ta, Landsrecherche tambe a
presenta pa investiga y determina su e Polis
cu a los e bala tabatin razon y si no tabatin
otro alternativa. E caso ta bao investigacion.