Page 22 - AWEMAINTA

22 AWEMainta Diamars, 3 October 2017

Apesar di a haya un contratempo den e transicion,

E tri-atleta Giannon Eights ta satisfecho

cu su prestacion na Santiago de Chile

UN contratempo chikito den e transicion (awa-bais) a impone cu
e tri-atleta Giannon Eights a logra un mihor resultado di loke e mes
tabata kier.
Mester bisa cu Giannon Eights a cuminsa hopi bon mes n’e evento
di triathlon cu tabata den un condicion di tempo hopi fastioso unda
e frieu y e awasero a hunga un rol formal.

No obstante di esaki e hoben Eights a cuminsa den bon forma y a
sali for di den awa den e top 10. Pero aki cos a tranca unda Giannon
Eights a haya dificultad cu su “wetsuit” cu el a usa pa minimalisa
e frieu unda e no por a kita esaki y despues di un lucha di casi 50
seconde e ta logra kita e “wetsuit”, pero aki el a perde hopi tempo
compara cu lo demas unda nan a pasa su dilanti. Asina mes Giannon
Eights a forza bon e 10 kilometer riba bicicleta, pero mester e gap
tabata grandi y el a core henter e ruta di 10k practicamente su so.

E coremento na pia pa Giannon Eights a bay hopi bon mes unda e
core bou di 5 minut pa 1.25km. Na final Giannon a finalisa na di
15 lugar den 21 participante.
Claro cu e frieu a hunga un rol mirando cu e temperatura tabata
marca 11 grado celsius. E no tabata facil sigur no na final unda e
hoben no a sinti su pia y su cara dor di e frieu.
E evento di triathlon, Giannon Eights a registra un tempo final di
39.50, mientras e prome lugar a bay pa Munoz di Chile cu a marca
un tempo di 34.35.50.
Esaki sinembargo ta un experiencia mas p’e hoben atleta Giannon
Eights, kende cu su 14 aña a competi den un field cu prospectonan
grandi di e continente Sur America y e mayoria den 17 aña di edad.