Page 31 - Min.TTC

Segun sr. Nuboer, CEO di Insel Air, Manuas ta
solamente e comienso

• Jan 15th, 2015
• Local

Insel Air tabata tin su vuelo inaugural pa Manaus. Esaki ta e unico vuelo directo cu aerolinea local pa
Brasil. E interes ta grandi pa e vuelonan aki. Na aeropuerto Frederik Nuboer e CEO di Insel Air Aruba a
hiba palabra.
Net prome cu aborda e tabata hunto cu minister Otmar Oduber pa asina dirigi algun palabra na tur
esunnan presente. Tanto invitadonan como tambe ehecutivonan den e sector di turismo a pone masha
atencion na e palabranan di e CEO di Insel.
Sr. Nuboer a trece dilanti cu ta mas o menos tres aña pasa e proyecto aki a cuminsa cu e proyecto di
Insel Air pa Aruba. E tempo ey ya caba minister Otmar Oduber a mustra hopi cla na Insel Air Aruba cu un
di su deseonan ta pa bula pa Brasil. Den e caso aki a cuminsa cu Manaus pero e deseo ta pa bay bula
mas leu y poco poco Insel Air lo bay cumpli cu esaki tambe.
Ayera invitadonan y partnernan strategico por a proef un tiki kico Manaus tin pa ofrece Aruba y a vuelo a
tuma luga den un avion nobo un Fokker 70.

http://masnoticia.com/segun-sr-nuboer-ceo-di-insel-air-manuas-ta-solamente-e-comienso/
http://masnoticia.com/minister-otmar-oduber-tabata-sumamente-satisfecho-cu-vuelo-inaugural-pa-
manaus-brazil-2/