Page 18 - SOLO

Pagina 18 Diarazon 01 April 2015

Solo Local.....

Aruba Taekwondo Bond a habri e aña deportivo di
Taekwondo cu e campeonato Himno y Bandera.

Compleho Deportivo

Frans Figaroa a luci

diasabra ultimo ya cu

Aruba Taekwondo Bond

a habri su actividadnan

deportivo di aña 2015 cu e

prome campeonato Himno

y Bandera.

Dr. Guaicaipuro Jimenez
kende ta e presidente
actual di Aruba Taekwondo
Bond ta sumamente
contento y gradici di por a
conta cu 96 participante di
e 11 scolnan di Taekwondo
di Aruba.

Dr. Guaicaipuro Jimenez
ta hopi contento di por
a mira prensa presente
manera Cadoochi Kock
di ATV15 y Cornel Djaoen
di Telearuba Canal 13
y Hubert de Cuba di
w w w. s p o r t p i c a r ub a.c o m
kendenan a bin pa mira
nos atletanan bringa y
haci forma (Poomsee).

E tribuna tabata bastante
yena cu mayornan y
familiarnan kendenan
a bin pa apoya nan ser
kerinan den e deporte
di Taekwondo. Aruba
su directiva cu tabata
presente a pone man
na obra pa asina tur cos
cana manera un trein.
Un directiva actual cu
ya ta mustra su interes
grandi pa su miembronan
y cu wowonan hancho
habri ariba atletanan cu
lo por drenta e seleccion
pa asina por ta e pilar di
Aruba su Taekwondo den
futuro. E campeonato a
cuminsa cu e chikitonan
y aki por mira hopi di nos
talentonan ta saca nan
cara caba, mustrando cu
nan tambe por bringa for
di edad di 5 aña caba.
Esaki ta e bon trabou cu
e trainernan di e scolnan
di Taekwondo di Aruba ta
haciendo. E aña aki Aruba
Taekwondo Bond a habri
cu Himno y Bandera, pero
pa aña 2016 lo habri cu
un campeonato pa dia di
Betico sigui, pa Himno y
Bandera y despues un
campeonato nacional.