Page 7 - AWEMAINTA

AWEMainta Diahuebs, 19 October 2017 7

Despues di a haya 2 hende morto

Polis a logra

detene 8 persona

mas, kendenan

a trata di drenta

Aruba ilegalmente

DESPUES cu diamars di a haya informacion cu na
Baby Beach, na altura di ex Nanki Beach, a haya dos
curpa sin bida, tur tramite a ser haci pa identifica y
laga dokter constata nan morto, Polis a sigui cu nan
investigacion hunto cu miembronan di Guardacosta y
cu ayudo di otro unidadnan Policial cu a sera henter
e becindario.

Pasobra unabes cu a haya dos persona sin bida, ta
indicacion cu mas hende lo a subi tera, pero unda
nan ta?
Mester bisa cu nan a logra drenta, pero no por a bay
mucho leu, despues cu a bira conoci cu a haya dos di
e compañeronan morto.

A busca practicamente henter Seroe Colorado y
pa ora cu a cuminsa bira anochi, Polis a logra un
total di 8 persona mas, tur Venezolano, kendenan
tambe tabata riba e boto cu a trece nan aden, y kier
a drenta Aruba ilegalmente. Maske nan a busca
tur manera pa sali for di Seroe Colorado, pero no
a haya e oportunidad. Tur a ser pasa e ora ey pa
Warda nos Costa pa prepara nan deportacion.

Pero kico a pasa exactamente, no ta conoci ainda,
pasobra ni ayera Polis no a duna mas informacion di
kico por a pasa y unda e boto ta.
Hopi ta kere cu e capitan a trece nan mas serca posi-
bel, pero dos di nan debi n’e laman bruto, a hoga y e
otronan si a yega tera, pero no por a bandona Seroe
Colorado y awor ta pendiente nan deportacion.