Page 5 - AWM 23JUNE2018

Diasabra, 23 Juni 2018 AWEMainta 5

Mirando cu AVP lo gana e caso sigur den Corte

Prome Minister a anula prohibicion pa AVP uza MFA

ESAKI por saca afo di loke a bini dilanti den Corte diabierna den
oranan di atardi.
Despues cu AVP a firma contracto pa uzo di MFA pa un evento
informativo pa pueblo, nan a wordo informa cu Gobierno no ta
permiti pa actividadnan politico wordo teni pa cual a anula e
contracto.
AVP a dicidi mesora di hiba Gobierno Corte, ya cu no ta prome biaha
cu un evento di un partido politico ta tuma luga den un edificio di
MFA. Mirando cu e evento mester tuma luga diamars awo, Corte
mesora a dicidi di trata e caso sumario diabierna pa 3’or di atardi
mes. Sinembargo algun rato prome cu e hora menciona, AVP a haya
un carta, di cual un copia a bay pa corte, cu e evento di diamars por
sigui na MFA Noord.
Hues a bisa cu no ta necesario pa pone un dwangsom pasobra e ta
kere cu Gobierno ta mantene su mes na su palabra. Pero si a pone
Gobierno responsabel pa e gastonan cu a wordo haci relaciona cu e
caso sumario aki.
E decision di Gobierno a zona straño pasobra no ta prome evento
organisa door di un organisacion politico ta wordo teni den un MFA.
Den e carta cu el a manda awo, e ta papia cu nada politico por
tuma luga den un oficina di Gobierno. Y ta bisa cu esaki ta e ultimo
excepcion cu ta wordo haci (lesa carta cu ta compaña articulo).