Page 1 - AM200926
P. 1
September 26, 2020
www.awemainta.com
www.facebook.com/awemainta
noticia@awemainta.com
583-1400
ACCIDENTE FRONTAL ALGUN MINUUT
PROME CU 10’OR, ESTA PROME CU
TOQUE DE QUEDA CUATRO PERSONA
HERIDA, DI CUAL UNO TA SERIO
DIAHUEBS algun minuut prome cu 10’or di anochi, esta prome
cu Toque de Queda ta drenta na vigor, un Toyota Tercel y un Su-
zuki Grand Vitara, pa un of otro motibo ta dal frontal contra otro.
Mesora a pidi pa presencia di Polis, tres unidad di ambulance
y materialwagen di Cuerpo di Bombero.
Na yegada enberdad nan a bin topa cu un accidente frontal
y cu 4 persona herida, den e Toyota Tercel blanco tabatin un
persona pega.
E Polisnan cu a yega n’e sitio a cera e caminda principal di
Ponton, mientras e personal di Bomero mesora a cuminsa
traha pa libera e victima cu tabata pega den e Toyota Tercel.
En total tres ambulance a presenta n’e sitio. E prome ambu-
lance cu hopi urgencia a transporta e persona cu tabata pega.
E otro ambulancenan a trata e otro heridonan, cu tabata keha
dolor na nan curpa y despues a transporta nan tambe pa Hos-
pital.
Tur autoridad competente a wordo pidi pa bay n’e sitio, por
a nota presencia hopi liher di Fiscal y Specialista di Trafico
haciendo mas investigacion. E caminda principal di Ponton
a keda cera pa trafico pa basta rato.
Loke por a tende n’e sitio ta cu velocidad halto ta causa di e
accidente aki. Esnan den auto lo tabata pura pa yega nan cas,
prome cu Toque de Queda drenta na vigor?
