Page 53 - Flip Min.Vos

MinVos
http://www.24ora.com/deporte-mainmenu-7/91339-hoben-basebolista-ta-logra-haya-un-scholarship-
deportivo-na-college-na-merca
Hoben basebolista ta logra haya un scholarship deportivo na College na
Merca

Monday, 02 February 2015 12:07

Comparti

Un dia grandi pa baseball di Aruba. Dijendrick Croes a caba di firma cu e programa respeta di baseball di
Broward Community College. Dijendrick a ricibi un full scholarship y lo forma parti di e lineup di
Seahawk pa e siguiente dos aña. Di e manera aki e lo haya e oportunidad pa desaroya su talento di
baseball na un nivel hopi mas halto, habriendo porta pa e posibilidad di un carera deportivo y alabes haya
su estudio completamente paga.
Dijendrick a wordo scouted durante e prome University Sports Showcase Aruba cu a tuma luga september
2014, na unda nos hoben basebolistanan a haya e oportunidad pa demostra nan habilidad y dedicacion pa
e deporte di baseball.
Den e serie di University Sports Showcase nan aki e hobennan ta participa den try-outs cu coach y
representante di diferente Universidad di Merca. E prome evento cu a tuma luga na september tabata tin
como enfoke solamente e deporte di Baseball, pero e aña aki, lo duna oportunidad na otro disciplina di
deporte. E siguiente University Sports Showcase lo tuma luga fin di maart y cu enfoke riba e deporte di
futbol. Pa mas informacion subi e pagina di Facebook: facebook.com/universitysportsaruba
Hopi exito na Dijendrick y pabien cu e tremendo logro aki. Dijendrick ta un ehemplo pa nos hoben
deportistanan.