Page 9 - LOTTO 15 OCT,2015

Lotto ta felicita tur e ganadonan den e Aruba Chess
Challenge 2015
Wednesday, 14 October 2015 18:00
Comparti

Den e weekend cu a pasa, Aruba tabata sede di un torneo internacional di ajedrez cu a conta cu
participacion di Venezuela, Boneiro, Corsou, Surnam y nos propio hungadonan di Aruba.
E Aruba Chess Challenge 2015 sigur tabata uno exitoso unda nos hungadonan di Aruba durante 4 dia a
bataya fuerte contra esnan di exterior. E anja aki e federacion di ajedrez lo cumpli su di 69 aniversario y a
celebra esaki cu un torneo internacional di taya. Tur e weganan a tuma luga den e Conference Room of La
Cabana Beach Resort and Casino. E torneo lo wordo hunga den 3 categoria esta “Open Group” cu
premionan efectivo, U-18, U-12 y U-10. Nos tin e resultadonan di nos hungadonan local den e “Aruba
Chess Challenge 2015”. Den U-18, un di tres luga a bay pa e hungado Jomar Benschop cu 5.5-7, mientras
den U-14 na un di dos luga a keda Brian Diaz 4-7 y na di tres luga Nigel Quandt 3.5-7. Den e U-12, na di
tres luga a keda Ilya Stetsenko 7-9, mientras den U-10 e prome luga a bay pa e hobencita Thamara
Sagastegui 6-9.
Lotto, e loteria di Aruba kier a felicita tur nos hungadonan local y specialmente esnan cu a cay den
premiacion durante di e Aruba Chess Challenge 2015. Un palabra di danki ta bay na e federacion di
ajedrez pa e tremendo torneo y hospitalidad brinda na nos bishitantenan di exterior. Lotto, e Loteria di
Aruba pa medio di Comision di Subsidio ta contento di por a subsidia e torneo internacional anual Aruba
Chess Challenge 2015.
Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e comision di subsidio.

http://www.24ora.com/local-mainmenu-5/100735-lotto-ta-felicita-tur-e-ganadonan-den-e-aruba-chess-
challenge-2015