Page 10 - KPA 27 March'15

Pagina 32 Diabierna 27 Maart 2015

Solodipueblo@gmail.com....

Entierro di Leandro "Lalo" Webb a bay trankil, hopi

polis riba alerta henter dia

Diahuebs for di oranan
di mainta cu e restonan
mortal di Leandro 'Lalo"
Webb tabata reposa na
su cas na Madiki, polisnan
a bay riba un alerta pa
cualke incidente cu lo
por tuma lugar durante e
entiero.

Leandro "Lalo" Webb
a wordo asesina na un
forma hopi cruel diabierna
siman pasa, den oranan
di marduga e curpa di
Leandro a wordo haya
sin bida den su auto na
Hooiberg, panort di Indian
Rock Garden.

Husticia a logra pone man
riba dos sospechoso,
diasabra anochi esun
sospechoso di e asesinato
a wordo aresta pa e team
di aresto cu a drenta un cas
na Meiveld, Diadomingo
den oranan di merdia un
otro hoben a keda deteni
pa un team di recherché
den Mandolinstraat.

Pa mas o menos 3'or y mey
di atardi famia, amigonan
y conocirnan di Lalo a sali
cu e restonan mortal for di
su cas na Madiki pa bay
hibe na su ultimo lugar
di sosiego, na Santana
di Sabana Basora. Un
caravana basta grandi a
bay direccion di Sabana
Basora, nan tabata wordo
acompania pa varios
unidad di polis uniforma
y tambe team special di
polisnan na civil. E defunto
su auto a wordo poni riba
un takelwagen y tabata
mainta na e cas di defunto
y despues a acompania
e caravan te na Santana,
su brommer tambe a
wordo hiba na Santana. E
entiero a bay hopi trankilo,
constantemente polis
tabata patruya banda di e
cas y despues na Santana
tambe, pero solamente
algun auto sospechoso a
wordo controla pero nada
particular.r