Page 38 - MIN ON

AWEMainta Diahuebs, 15 Juni 2017 33

Cuerpo Policial bishitando scolnan

Conscientisando muchanan riba

importancia di medio ambiente

Agentenan ta finalisando nan trayectorio escolar

TUR aña Cuerpo Policial tin un klas di agentenan cu
lo finalisa nan trayectorio escolar pa asina nan haya
nan diploma di MBO 4. E aña aki e agentenan di
districto Santa Cruz, esta Jurainy Luckert, Denrick
Werleman, Cederick Bislip, Tristan Reinkemeyer y
Jaron Boekhoudt a scoge e tema di ‘Kapverordening’
pa nan zuil final di medio ambiente.

E agentenan a busca tur informacion necesario riba
nan tema y na mes momento nan a haci uzo di nan
tema pa trece conscientisacion riba ‘milieu’. E agen-
tenan a haci presentacion na un total di 4 scol basico,
di cual tabata mas o menos 200 alumno di e klasnan
cuatro, cinco y seis cu a haya presentacion tocante e
importancia di mata pa nos medio ambiente.

E muchanan di Maria School a ricibi e presentacion di
medio ambiente for di e agentenan y nan a keda ma-
sha encanta cu esaki y di ta mas consciente cu e medio
ambiente. Polisnan a conscientisa e muchanan riba e
motibonan pakico mata ta importante pa tur hende.
E tema di e Polisnan tabata over di ‘Kapverordening’.
A regala e scolnan mata, pa hunto e muchanan por
planta y cuida nan. Y asina sigui conscientisa otro
alumnonan di e scol pa cuida matanan.

Studiantenan di Maria School tabata masha entu-
siasma cu e regalo ricibi. Cuerpo Policial Aruba ta
gradici Colegio San Hose, Maria Basis School, Colegio
Pastoor Kraanwinkel y Cacique Macuarima pa nan
tempo y cooperacion na e Polisnan, kendenan a dia-
loga y conscientisa tur mucha riba medio ambiente.