Page 8 - MIN ON

MINISTER ARENDS A DUNA UN

PRESENTACION NA HOBENNAN DI

COLEGIO SAN ANTONIO DIRECTOR

GERSHWIN LEE “LOKE PA MI TA

INTERESANTE TA CU E MUCHANAN SA

KICO TA NAN OPCIONNAN”

15/06/2017 Admin Uncategorized Leave a comment

ORANJESTAD- Director Gershwin Lee a keda satisfecho cu presentacion duna
door di Minister Arends na alumnonan di scol secundario Colegio San Antonio. E
presentacion a wordo duna na alumnonan di derde klas MAVO cu a scoge
‘economia’ den nan pakete pa haci examen den e materia aki otro aña. Mas o
menos 50 alumno a presencia e presentacion di Minister Arends.

Director Lee a mustra su satisfaccion cu presencia di Minister y tambe con el a
duna su presentacion. “Esaki ta resultado di un cooperacion entre nos scol y
Ministerio pa Asuntonan Economico pa ilustra un poco kico e trabou di minister
ta encera y tambe ‘economia’ en general. E alumnonan aki ta haciendo un
escogencia pa loke ta nan perfil pa otro aña ora nan drenta examenklas. E grupo
aki a scoge economia y e presentacion ta un manera pa duna nan informacion
kico e materia aki ta encera y mas tanto enfoca riba punto di bista di gobierno. E
parti global di e economia di un pais ta loke a wordo splica awe. Algo cu ta
interesante pa e muchanan haya conocimento di dje, sigur awor cu nan a caba di
scoge e materia pa nan bay examenklas otro aña.” Director Lee a bisa cu e
presentacion di Minister ta interesante pa e docente usa ora di duna les ya cu
nan tambe tabata presente mescos e decano y mentornan di e hobennan. “Loke
pa mi ta interesante ta cu e mucha sa awor kico tur ta e opcionnan cu e tin. Cu
su diploma di MAVO y su perfil kico e por haci despues di esaki, kico ta su futuro
y con su formacion ta bay ta? Gobierno ta pensa riba esey, e mucha ta pensa
riba su futuro y nan mester topa otro un caminda. Loke e studiante kier haci den
futuro e por haci na Aruba mes tambe y adapta su pensamento riba su futuro na
e mercado laboral di Aruba.”Director Lee a splica cu e muchanan ta hopi jong
ainda, asina mes e ta sigur cu cierto puntonan di e presentacion ta keda colga y
nan ta pensa riba e oportunidadnan cu nan tin den futuro.