Page 44 - KPA April 16, 2015

6 AWEMainta Diahuebs, 16 April 2015

Kitando mas

DROGA Y ARMA

for di caya

Polis a cobra mas di Afl. 12 mil
na multa durante accion

ACCIONNAN di Listramento Preventivo di parti di Cuerpo

Policial ta sigui, y durante fin di siman a tene accionnan na
diferente parti, manera a wordo anuncia publicamente,
di acuerdo cu ley. Liliana Rasmijn di e Departamento di
Comunicacion, Informacion y Prevencion di Cuerpo Policial
Aruba a informa cu den e accion di listramento preventivo
di dianan 4 y 5 di april ultimo, manera custumber a conta cu
sosten y trabou di ekipo cu diferente departamento di Cuerpo
di Polis.

Mayoria di e intervencionnan policial di e dianan ey tabata
basa riba e maneho conoci como “faya bo haya”. Fiscal auxiliar
a duna boetnan di entre Afl. 50 te cu Afl. 1.700 pa e diferente
delitonan identifica pa Polis. E total di boetnan a yega Afl.
12.350.

A detene personanan pa stuur sin rijbewijs y stuur bao di
influencia di alcohol. Den algun caso mester a tuma e rijbewijs
di e personanan den beslag te ora nan aparece dilanti Hues pa
un decision final. Otro motibo pa detencion tabata posesion
di marihuana y pildernan di XTC, pero mayoria tabata pa
posesion di arma blanco manera cuchiu, sker y sambechi.

Polisnan a cubri un area hopi grandi riba dia 4 y 5 di
april, incluyendo Rancho, Madiki, centro di Oranjestad
(Wilhelminastraat), Surfside/Nikky Beach, Linear Park, Tanki
Leendert y e area di Circle K.

Listramento preventivo ta un accion cu ta cay bao di aprobacion
y ordo di Ministerio Publico, pa cual mayoria biaha ta Cuerpo
Policial mes ta haci peticion pa haya e permiso y asina controla
durante temponan druk of unda tin risico halto cu tin persona
presente sea cu arma of droga.

Cuerpo di Polis ta anuncia cu e accionnan di listramento
preventivo pa arma y droga ta bay sigui durante di henter aña
y ta sigui aplica tambe e maneho “faya bo haya” segun cu e
situacion ta rekeri esaki.

Cuerpo Policial ta gradici comunidad di Aruba pa nan
cooperacion y comprension pa cu e accionnan aki cu ta dirigi
na aumenta siguridad pa un y tur riba nos isla.

Avenida Milo J.Croes # 118 – A
Tel: 5883948, fax: 5883945,
Dilanti Flora Market na Dakota,
E-mail: doorhandle @ setarnet.aw

KASHI SPECIAL PA
WARDA JABI (30 JABI)

20 % DISCUENTO,
POR INSTALLA TAMBE