Page 50 - KPA April 16, 2015

tabata minimo. Polis di trafico a constata cu e chauffeur di e kia picanto a sali dilanti di un auto preto
bahando for di pariba.

http://masnoticia.com/falta-di-preferencia-a-laga-dos-auto-kibra-na-paradera/

Polis a cobra mas di 12 mil florin na multa durante
accion

• Apr 15th, 2015
• Policial

Accionnan di “Preventief Fouilleren” di parti di Cuerpo Policial ta sigui y durante fin di siman a tene
accionnan na diferente parti, manera anuncia publicamente, di acuerdo cu ley. Listramento preventivo ta
un accion cu ta cay bao di aprobacion y ordo di Ministerio Publico, pa cual mayoria biaha ta Cuerpo
Policial mes ta haci peticion pa haya e permiso y asina controla durante temponan druk of unda tin risico
halto cu tin persona presente sea cu arma of droga.
Liliana Rasmijn di e Departamento di Comunicacion, Informacion y Prevencion di Cuerpo Policial Aruba a
duna di conoce cu den e accion di listramento preventivo di dianan 4 y 5 di april ultimo, manera
custumber a conta cu sosten y trabou di ekipo cu diferente departamento di Cuerpo di Polis.
Mayoria di e intervencionnan policial di e dianan ey tabata basa riba e maneho conoci como “faya bo
haya”. Fiscal auxiliar a duna boetnan di entre 50 te cu 1.700 florin pa e diferente delitonan identifica pa
Polis. E total di boetnan a yega Afl. 12.350,=.
A detene personanan pa stuur sin rijbewijs y stuur bao di influencia di alcohol. Den algun caso mester a
tuma e rijbewijs di e personanan den beslag te ora nan aparece dilanti Hues pa un decision final. Otro
motibo pa detencion tabata posesion di marihuana y pildernan di XTC, pero mayoria tabata pa posesion
di arma blanco manera cuchiu, sker y sambechi.