Page 47 - HOSPITAAL

Nos sa ku tin hopi menasa pa orea. Te ainda sonido di e paradanan di karnaval ta zona den nos orea.
Afortunadamente e dianan ei hopi hende tabata asina sabí pa protehá nan mes orea i di nan yunan ku
dòpi di orea. Un menasa mas grandi ainda pa oido ta skuchamentu di müzik duru pa medio di

‘earphone’ òf ‘headphone’, sigur si bo ta hasi esei hopi.

For di 1983 Fundashon Kuido pa Bista i Oido (FKBO) ta aktivo na Boneiru ku kuido pa hendenan ku
tin problema ku bista i oido. Pa medio di duna konseho, guia i sosten den forma di por ehèmpel duna

lès di komunikashon hasiendo uso di gesto i señal, hendenan ku no ta tende bon por partisipá tòg den
komunidat. Esaki ta bálido tantu pa mucha komo pa hende grandi.

E tema pa 3 di mart próksimo ta: ‘Tende futuro… i prepará p’e!’ P’esei Departamentu di Salubridat
Públiko di Entidat Públiko Boneiru huntu ku FKBO tin e siguiente tepnan pa bo pa mantené bo oido

bon:

 Tene distansia for di fuentenan di sonido manera spiker. No bai para mas pegá ku 2 meter for

di e fuente di sonido. Despues di un fiesta òf un konsierto ku hopi sonido duru ta mihó si bo
laga bo oreanan sosegá 24 ora i pues keda sin skucha müzik un ratu.
 Pa skucha müzik riba un ‘smartphone’ òf ‘tablet’ preferibelmente usa un ‘headphone’ na lugá

di un ‘earphone’ chikitu, i pone e sonido na maksimalmente 60%. Prinsipalmente pa mucha
esei ta importante. Orea di mucha ta hopi sensibel pa sonido duru pasobra e kanal di orea ta
hopi mas chikitu. I un mucha chikitu ta eksperiensiá sonido mas duru ku un mucha mas

grandi òf un adulto. Si nos protehá nos oreanan aworaki esei por prevení problema ku oido
despues.

Pa duna atenshon èkstra na importansia di tende bon, den koperashon ku Plataforma Integrashon
Total riba djasabra 3 di mart di 10’or di mainta pa 12’or di mèrdia FKBO ta organisá un charla na

hotèl Coutyard Marriott, den sala Piet Mondriaan A., ku komo tema: ‘Kon pa señalá pèrdida di oido
serka mucha’. Entrada ta grátis i mester registrá adelantá na FKBO. ‘Tende futuro… i prepará p’e! –

Hear the future… and prepare for it’.