Page 46 - Djaluna 19 mart 2018.pdf

46 Djaluna 19 Mart 2018
Kontinuashon di pagina 7
Dos dama venezolano
investigashon polisnan a
tuma imágennan di kámara
di e toko.
Polisnan a tuma nota kon
tur kos a bai i a logra skucha
e damanan.
Segun ámbos dama, e
hòmber a pidi nan papel i
a chantagiá nan pa drenta
outo, promé ku e bai warda
ku nan. El a pone e lòk, pa
evitá ku nan por a habri e
porta.
E damanan a bisa ku
e hòmber a kore diferente
sitio ku nan i a mishi ku nan
pechu, parti íntimo, bèl i na
nan barika.
E damanan a bisa ku
nan tabata hopi spantá i e
hòmber tabata bisa nan kiko
nan tin ku paga pa e no hiba
nan polis.
Despues di kasi un ora el
a baha nan na un sitio i bisa
nan pa laga nan telefòn pe.
Durante tratamentu di e
kaso Daal, a atmití tur lokual
el a hasi. El a bisa hues ku
ora el a yega na e toko el a
mira e dos damanan i a kere
ku nan ta prostituí. P’esei
el a hasi manera ta polis i
hinka den outo. E akusado
a bisa mas aleu ku e no a
mishi ku e damanan na nan
parti íntimo. El bisa ku e
no sa dikon el a hasi loke
nan ta akus’é di dje i tin
hopi duele di su aktonan.
Segun akusado e no tabatin
intenshon di hasi nada
robes.
Hues Edelenbos a tuma
e akusado hopi na malu i a
papia basta rabiá kuné.
El a bisa e akusado ku
ta bisto ku e tabatin gana
di hasi sèks ku e damanan,
kontra nan boluntat.
Fiskal a haña e
akusashon probá i ta
demandá e hòmber na
48 luna, kompletamente
inkondishonal.
Hues a bisa ku e akusado
den pasado a keda kondená
pa atrako ku violensia i
tambe sekuestro.
Mirando tur esakinan
hues den su desishon a
desviá for di e demanda
di fiskal i ta kondená e
akusado na 42 luna di kual
6 kondishonal ku un periodo
di prueba di 3 aña.