Page 9 - Djaluna 19 mart 2018.pdf

Djaluna 19 Mart 2018 9

A firma MOU

pa stimulá

interkambio

komersial

entre islanan

ulandes

WILLEMSTAD.–
Resientemente Dutch
Caribbean Chamber of
Commerce and Industry,
Ernst & Young i Gobièrnu
di Kòrsou a firma un MOU
importante pa trese mas
interkambio komersial entre
e islanan Karibe Ulandes.
E desaster natural ku
a tuma lugá na islanan
ariba a forma e base pa e
koperashon.
Entre 17 i 20 di mart ta
tuma lugá un interkambio
entre sektor privá di e
islanan ulandes i St.
Maarten organisá pa EY
Dutch Caribbean, Centre
of Excellence for SIDS,
Dutch Caribbean Chamber
of Commerce and Industry,
360 degrees of innovation
foundation, i Present Your
Startup Caribbean, pa wak
kon huntu por yuda buta
Sint Maarten bek riba pia
ekonómikamente.
Mas ku 100 kompania a
interkambiá di idea, i a sera
kooperashon pa loke ta trata
inovashon, stimulashon
di talento, edukashon i
enterperneurship pa subi e
interkambio komersial entre
e islanan.
E MOU ku a wòrdu
firma djabièrnè ta pa
kontinuá ku e interkambio,
i pa hasié mas fásil pa tin
interkambio komersial,
idea entre e islanan i pa
sigui ku e koperashon entre
stakeholdersnan den Karibe
Ulandes.
E MOU tambe ta
menshoná ku partidonan
lo sigui interkambiá
ekspertisio.
Partidonan lo stimulá
i inisiá koperashon entre
sektor privá i públiko.
Pa kada proyekto
partidonan lo bai di akuerdo
riba e áreanan di logístika,
interkambio, areglonan
finansiero, programa pa
maneho i kordinashon.
E idea ta gobièrnu di e
otro islanan tambe firma
i forma parti di e MOU.
Dutch Caribbean Chamber
of Commerce (DCCC) ta un
organisashon ku ta konsistí
di e kámara di komersio di
kada isla.