Page 70 - KPA 12JAN'15

Na Aruba so bo por core cu trailer con cu ta. Ni reflector sierta trailer tin. Ta yega ora pa police controla esakinan.

http://www.24ora.com/policial-mainmenu-8/90481-heridonan-den-accidente-di-auto-riba-sasaki

Warda di Polis druk cu yen di hende burachi y problematico
deteni

Sunday, 11 January 2015 03:00
Comparti

Na warda di polis na Playa tabata basta druk. Dimes polisnan tambe a prepara un team pa asina atende
cu esnan cu wordo deteni riba caya durante e prome evento di carnaval. Tabata e fakkel optocht cu a
pone miles di hende riba pia den e parada mes como na banda.
Bon ambiente pero tambe hopi bebemento. Dimes e bebemento por bin cu su problemanan. Pesey mes
polis mester a actua. Tur esnan deteni a wordo treci na warda di Playa caminda tabata tin mas cu un
subfiscal presente pa asina atende cu cada detenido. E proceso di aplica multa mesora tabata na vigor.
Polisnan a anuncia adelanta di e accion aki. Durante transporte ta basta cosnan vies por a mira caminda
detenidonan ta asina burachi cu nan tabata susha nan mesun panja y hole stinki. Otronan tabata saca
den e auto di transporte. Tur esaki ta a consecuencia di e bemento excesivo. Riba e imagennan aki por
mira un tiki di e detenidonan yegando warda cu transporte di e personal di CEA cu tambe a hunga un rol
durante e parada di flambeu.