Page 25 - KPA

Chauffeur deteni debi na dal chauffeur di otro auto despues
di accidente

Sunday, 09 July 2017 15:35

Comparti

Diadomingo atardi Polis a atende un accidente particular na altura di e futuro retonde di Piedra Plat.
Ta trata di un accidente entre un auto di famia y un pick up. Segun declaracion di e chauffeur di e pick up
e hoben cu tabata na stuur di e auto di famia a agredie cu mokete. Esaki tabata motibo suficiente pa Polis
detene e chauffeur hoben kende no a keda contento. E daño material na e pick up no ta mesun grandi cu
e daño na e auto. Sinembargo investigacion lo mester deduci cua partido tabata robes den e accidente
aki.