Page 34 - KPA

Joop Sleuring e Campañador di Marisol buscando problema
tur caminda ofendiendo hende di otro partido

Sunday, 09 July 2017 15:36
1

Comparti

Parce den tur eleccion e mesun persona aki, cu ta un Hulandes Europeo ta cana causa problema. E ta un
campañador di Marisol coriendo den e V-Wagen V-609.
Na Washington siman pasa el a bay na un cas di un sostenedor di AVP unda eynan el a ofende e
hendenan na e cas. Polis a wordo yama te hasta pa e homber aki. E ta Joop Sleuring. Algun dia pasa el a
tuma e curashi di bay Playa na cas di suegra di un Politico riba lista di AVP. E señora grandi na cas a haya
e homber aki na su porta cu a cuminsa cu sin fin di ofensa faltando tur clase di respet. Nan a nota e
number di su auto. E famia a keda preocupa ora nan a tende ki tur e homber aki a bin haci na nan cas ora
nan mama y suegra grandi so tabata ey. Awor durante pleno campaña lantando e banderanan berde
berde tur caminda, ata e mesun Joop Sleuring a yega cu V-609 tur na sticker di Marisol y cuminsa ofende
esnan di AVP. El a drenta gewoon e multitud Insulto tras di insulto cu na dado momento a cay den
masha mal tera. E politico campañando a djis bisa su hendenan sigui cana. Nan a sigui cana pero na
dado momento a scucha un klap y un di e hendenan a pase un klap educativo. Esey tabata e unico
manera cu el a dicidi di bandona e sitio. A keda vigile pasobra e forma cu e tabata drenta e mutidud cu e
auto sigur tabata hopi iresponsabel. Polis sa di dje. Parce cu e no kier bay campaña pa convence hende pa
vota pa Marisol. E mas bien ta cana ofende y insulta esnan di AVP entre otro y esaki sigur lo no yuda pa
Marisol haya voto.