Page 61 - PAUL CROES JUNE 9,2015

Tambe tabatin diferencia di opinion riba cashot. Esaki ta castigo pa e muchanan cu wordo haya
cu marihuana of trata di huy. El a bin descubri cu hobennan cu drenta Booth Camp ta manda nan
bay drumi den cashot cual, segun sra. Vries, no ta e intencion. E ta sinti cu decisionnan ta wordo
tuma y cambionan sin cu ta consulta cu e directiva.

Tabatin hopi critica den e Aruba Booth Camp aki, pasobra e persona na cabez, den e caso aki sr.
Webb, no tin e estudionan necesario ni e conocementonan profesional den guia di hobennan
problematico. Den esaki sra. Vries a bisa cu na principio e hoben no a mustra nada pa e
desconfia den dje. Pesey tambe mirando su bon ideanan, el a dicidi di dun’e su apoyo. E tabata
impresiona cu e pensamentonan di Webb, mustrando cu e ta bon na altura di un proyecto di e
indole aki.

Pa lanta e fundacion, e mes no sa con cos a bay pasobra sr. Webb mes a regla tur e asunto di bay
Notario pa lanta e fundacion. Solamente el a bay Notario e dia cu mester a firma e acta di
fundacion.

Awe sr. Vries ta lamenta loke ta pasando, pasobra e idea tras di Aruba Booth Camp ta bunita,
pero e hoben Webb a demostra di no tin e capacidad pa guia hobennan. “Mi ta kere cu e mes
mester di yudansa, mirando e diferente erornan cu el a comete,” el a duna di conoce.

Tambe el a keda hopi straña cu Webb a bisa e muchanan cu e ta un profeta, manda door di Dios.
Esaki ta cosnan cu a pone pensa bon kico e director ta haciendo cu e hobennan pa cual el a dicidi
di bandona e organisacion.

Actualmente e Booth Camp tin rond di 20 mucha, cu nan mayornan a duna aprobacion pa nan ta
den e organisacion aki.

http://www.diario.aw/2015/06/den-shock-cu-loke-ta-pasando-cu-e-hobennan-den-aruba-booth-camp/