Page 14 - Hospitaal

Cu portanan habri ta trahando duro pa logra e salanan di operacion
operacional comienso di 2016

Publication: Monday, 28 September 2015. Categoria: General

Na Centro Medico San Nicolas

ORANJESTAD(AAN): Den entrevista cu
dokter Joel Rajnherc, cu ta director di IMSAN el a duna un update di e sala di operacion pa San
Nicolas. A confirma cu siman pasa a haci varios delibaracion cu varios partido den cuido di
Salubridad Publico.

Hospital, Ministerio di Salubridad y AZV cu ISMAN ta esnan cu a sinta na mesa. Pa desaroyo di
Aruba mester traha hunto. Mester haci tur cos cu portanan habri pa desaroya. Mester wak pa no
duplica cosnan cu no ta bale la pena. E hunta di comisario di AZV tabata envolvi y director di
IMSAN ta contento cu nan por a firma cu Hospital tambe.

Awor riba guia di minister Alex Schwengle lo bay desaroya e salanan di operacion di ISMAN.
Dos sala ISMAN lo haya. Tin otro sala di operacion cu ta totalmente destina pa operacion di
wowo. E lo bira e clinica di wowo pa Aruba. Tin cosnan cu lo pasa na Playa pero mayoria di
operacion di wowo lo tuma lugar na IMSAN. Henter e desaroyo aki nifica cu e masterplan a
haya un update con lo sigui.

E sala di operacion tin un prioridad mas grandi di loke e tabata na prome instante. Joel Rajnherc
a splica cu e punto principal ta desaroya sala di operacion. Na mesun momento ta desaroya
proyecto di radio terapia. Ta bezig cu e financiadornan pa regla esaki. E ta un cambio den tempo
y mester desaroya pasobra tin mas vision unda ta bayendo. Ta yega e momento unda ta
discutiendo cu tur partido envolvi. Mester bay papia cu specialistanan medico tambe. Nan mester
worde scucha pa mira kico nan ta desea di haci y wak con e reparticion lo bay ta. Mester papia
habri cu nan. Ta papiando di dag opname. Bo ta bin mainta y atardi bay cas. Den futuro kizas e
keda drumi na Centro Medico por ta un opcion y por bay tuma lugar.