Page 9 - AM201207
P. 9
Dialuna, 7 December 2020 AWEMainta 9
Intento di asesinato:
Bisiña a hinca otro bisiña den cabes y lomba
DIASABRA anochi pasa di 9’or, Polis a bay un cas situa
den Caya Frere Henricus, unda despues di un discusion
un persona a wordo maltrata. Na yegada di Polis a resulta cu
e situacion tabata mas serio di loke a wordo pensa. Tabata trata
di un problema entre bisiña cu bay for di man momento cu un
a sali di su cas arma cu un cuchiu, locual e lo a usa pa hinka su
bisiña dos biaha.
N’e sitio Polis a papia cu e cabayero herida, y el a mustra unda el
a ricibi e hinka nan cu tabata riba su cabes y den lomba. Mesora
a pidi asistencia di ambulance y tambe Recherche y BFTO. Mas
polis a yega n’e sitio, pa mira con ta bay detene e bisiña kende
tabata paden y no tabata sali pa duna cuenta.
Mientrastanto un Polis di rango halto a yega, kende ta Sub-Fis-
cal. Pero dado momento por a scucha e porta dilanti habri y e
agresor a sali y mesora Polisnan a detene. El a wordo hinca den
patrouille wagen y hibe directamente warda.
Pa loke t’e victima, na yegada di Paramediconan despues di a
controla e homber herida a sali direccion Hospital unda e lo ricibi
tratamento pa su heridanan. N’e sitio nos reporteronan a puntra
un di esnan envolvi kico a start e problema, y el a bisa cu tabata
relaciona cu tocamento di muziek duro unda nan lo a reclama e
agresor. Polis cu a drenta den e cas te n’e momentonan ey no a
logra haya e arma usa pa comete e acto.
