Page 26 - AWEMAINTA

26 AWEMainta Diaranson, 6 Juni 2018

Deporte

Aruba Growth Fund ta amplia riba e careda di KLM Aruba Marathon

E grupo mas grandi den e prome edicion di KLM Aruba
Marathon, Half Marathon, 10k y 5k, cu a tuma lugar e

marduga di diadomingo 3 di juni ultimo, cu a inicia y fi-
nalisa na Palm Beach, a pertenece na Aruba Growth Fund.
E grupo a consisti di 170 colega, participando den cada cat-

egoria y poniendo resultadonan impresionante.

Aruba Growth Fund, estableci riba nos isla na 2012, t’e
prome fondo di capital priva di Aruba y a ricibi su finan-
ciamento inicial di fondonan di pensioen di Aruba, loke

ta splica nan slogan riba nan t-shirts e dia di careda: “On
the run, Aruba Growth Fund, owned by more than 20.000
Arubans”.

Cu e iniciativa aki, AGF tabata desea di promove e impor-
tancia di un estilo di bida saludabel entre e miembronan di

su ekipo.
AGF ta doño di y ta opera Hilton Aruba Caribbean Resort

& Casino, como tambe Op=Op Voordeelshop, Botica di
Servicio, Laboratorio di Servicio y Kosmetikos.
Riba potretnan por mira participantenan di tur e compani-

anan, n’e cruze final riba dia di e careda, disfrutando di e
escenario unico na final di e evento deportivo satisfactorio,

cu canador y coredornan di tur parti mundo.