Page 2 - Djabierne 25 mei 2018.pdf

2 Djabièrnè 25 Mei 2018
VDC ku tim

pa realisá
reorganisashon

WILLEMSTAD. - Den
kuadro pa yega na un
trayekto di reorganisashon di
“Veiligheid Dienst Curaçao’
(VDC), Gobièrnu di Kòrsou
a instituí un tim interino pa
realisá esaki. E tim spesial
aki a keda enkargá ku e
maneho diario di VDC i e
tarea prinsipal ta pa kaba di
realisá e reorganisashon ku
defakto ya ta na vigor.
Lo tin vários aspekto ku
lo mester keda ahustá na e
eksigensianan aktual. E tim
aki ta reportá nan trabounan
na Minister Rhuggenaath
i Minister Girigorie di tur
trabounan ku ta keda
desplegá. E tim aki a keda
instituí pa 1 aña i e tim ta
formá pa funshonarionan
konfiabel di VDC mes. E
tim aki ta keda sostené pa
koleganan di Aruba i St.
Maarten.
Hòmber detené ku
arma di kandela
na snèk
WILLEMSTAD.- Mas arma
di kandela ta keda kitá for
di riba kaya, esaki despues
ku kontròl na un snèk a
kondusí na detenshon di
un hòmber ku tabatin un
arma di kandela den su
poder. Djaweps 24 di mei
2018, alrededor di dos or di
mèrdia, Tim di Mantenshon
di órden públiko a tene un
kontròl na un snèk den
área di Wishi. Durante di
e kontròl den un vehíkulo
polis a haña i konfiská un
arma di kandela. Relashoná
ku esaki polis a detené e
hòmber, R.J.W., di 31 aña di
edat, nasé na Kòrsou, komo
sospechoso pa violashon
di Lei di Arma di Kandela.
Tambe outoridatnan a bai
na kas dje sospechoso unda
a tene un entrada hudisial.
A presentá e sospechoso
dilanti un Fiskal ouksiliar ku
a ordená su enkarselamentu
pendiente di mas
investigashon.