Page 30 - diario july 17

PAGINA 30
Tin preguntanan cu bo tin miedo di puntra como periodista
El a bisami ayera: "bo semper ta skirbi cosnan cu a pasa mas di
50 pa 100 aña pasa y tin ora di mas tanto aña ainda.
Pero hopi di nan tambe di loke bo a pasa aden of experiencia.
Cuanto aña bo tin?"
Pa mi no ta nada pa menciona mi edad.
Ni si tin ora mi ta chansa y laga sa cu ta awor mi ta yegando 40
aña di edad pa bisa: "bida a cuminza na 40".
Pero, como periodista mi ta den e profesion di haci pregunta y tin
biaha preguntanan pisa.
Ta un pregunta tin cu a pone mi duda si mi ta puntra si of no.
Esaki pasobra mi sa cu e ta pone hende sinti nan mes intrankil.
Mi mester tin masha cuidao ora mi menciona e palabranan : "Mi
mag puntrabo cuanto aña bo tin?'
Mi ta hala un rosea profundo, sperando y resando cu mi no ta
wordo ataca cu un mokete fuerte cu ta pone mi boca bira manera
entrada di "cueba di Guadirikiri".
Ta un cos so ta pio cu puntra un hende su edad. Esey ta: Puntra e
persona cuanto e ta pisa.
Danki Dios cu como periodista no ta wordo spera di bo cu bo tin di
haci e pregunta ey.
Si mira bon, e pregunta ey por haci cu bo ta keda wanta e interes
di bo lector.
E ta keda riba e pagina aki pa e por lesa mas.
E pregunta ey ta haci e topico interesante pe.
"Tjodo Tanki," tin 38 aña di edad. E ta tata di 3 yiu y e ta pisa casi arubiano tipico ta desea di bida 81 of 91 aña di edad.
500 liber.
El a wordo busca den madruga na su cas, pasobra Conseho di
"Cuido" a laga sa cu e no ta paga alimentacion pa su yiunan pa
mas di 3 aña caba y awor a bira di mas.
Ami semper a bisa cu despues di huez, procurador, y fiscal, ta
Conseho di "Cuido" ta manda den e asunto aki y den asunto di
famia.
Esey ta si nan no a subi cabez di fiscal of procurador o di huez
mes.
Den e caso aki nan a duna ordo.
Tjodo Tanki algun aña pasa a mira un documentario di muhernan
hapones y a bin haya sa cu luchadornan di Sumo ta esnan cu ta
haya e muhernan mas bunita na Hapon.
El a dicidi di bira gordo, pasa tur su tempo y gasta tur su placa
,na come y come, pa e por bay Hapon busca un "geisha" bunita y
hoben.
Si mira bon awe, hopi di nos hendenan parce tin masha miedo
di bisa cuanto aña nan tin ora nan pasa 30 bay ariba pa yega na
"bida ta cuminza na 40".
Esnan cu no kier bira luchador di Sumo tin rabia riba e pregunta:
"cuanto bo ta pisa?" Tanto homber como muher.
E pensamento so cu esaki lo por wordo publica , ta mortifica nan.
Nan lo prefera pa bo publica codigo di nan tarheta di ATM.
Tin ora mi ta djis sinta pa estima edad di hende, pa punta entre
otro:
DIARIO DIABIERNA 17 JULI 2015
** Tempo cu bo a aplica pa bo prome trabao, bo tabata bisti cami-
sa caba of bisti "cashaca?"
** Tempo bo tabata hoben bo tabata comunica cu nan cu e-mail,
carta, of señal di tiro of señal di huma ?"
** Bo ta corda con bida tabata prome cu e refineria a establece na
Aruba?**
Hende ta odia biramento bieu........ Ay........, no mag bisa esey
mas. (e no ta socialmente corecto)
Mi mester a bisa cu hende ta odia cu nan edad ta avanza... Oh
noo..!!
Hasta esey no mag mas. Ta mihor mi bisa cu hende ta odia cu
"nan ta birando grandi".
Pesey hasta tempo cu nan tabata ainda basta hoben , nan a stop
di celebra y haya miedo di "nan cumplimento di aña".
Cada cumplimento di aña ta manera un familiar sushi cu ta sigui
bishita nan y corda nan cu nan ta "birando mas bieu".
"Bo ta un aña mas bieu awe!" e familiar lo bisa. "Ta casi tempo pa
bo cuminza siña con pa corta papel pa traha prenchi!"
Naturalmente ta coi loco di ta asina preocupa cu bo edad.
Djis pa proba mi punto, mi kier a splica "con bieu mi ta". Pero mi
edad di berdad no ta relevante.
Ta suficiente pa mi bisa cu mi a nace tempo cu mi mama tabata
cushina cu wea riba piedra pafo di cas, prome cu hende muher a
cuminza bisti carson largo of shorts.
Segun un encuesta recientemente di e departamento oficial di
gobierno cual departamento ta registra edad di hende grandi, e
Esaki ta cifranan excelente pa pone riba bolo, dunando hende un
di e poco beneficionan di ta dislexico. Of lesamento cabez abao.
Pero mi no ta kere cu 91 aña bieu kiermen: " Mi a biba suficiente.
Ta tempo pa mi cera wowo.
No....! Probablemente nan lo bisa: "9 aña mas ta loke mi kier y
nada mas! Mi ta asina cerca di 100 caba. Ta berguensa pa muri
awor. Nuebe aña mas y ministro y parlamentarionan lo sa kende
mi ta y lo bin dunami pabien y bisa:" Bo ta duro ainda". Ni conoce
nan no a conocemi prome cu ayera.
Y tur centenario probablemente lo ta bisa: "Mi'n por kere cu mi ta
100 aña bieu. Mi ta puntra mi mes si mi lo yega 110. Kizas mi por
drenta den buki Guinness Book of Records" como e persona di
mas edad cu diariamente ta scroll riba "Facebook", of surf riba
Internet
Hopi hende grandi lo bisabo: 'biramento bieu no ta malo" ,special-
mente si bo considera e alternativa: "muri hoben".
Mientras bo ta na bida , biramento bieu ta inevitable y no ta im-
porta cuanto placa bo ta gasta na bo ciruhano plastico.
Pesey mi ta cunsumi ora mi mira hendenan hoben cu ta falta res-
pet of haci cherche di hende grandi.
No kibra cabez! Tempo lo tuma su propio revancha na nomber di
"tur e grandinan".
Juby Naar